कपिलवस्तु । कपिलवस्तुको बाणगंगा नगरपालिका वडा नम्बर ८ बण्डौलीकी एक महिला हराएकी छन् ।स्वभाविक रुपमा घरमा रहेको अवस्थामा यहि वैशाख १६ गते आइतबारदेखि रिमा पुन ‘थापा ‘मगर’ नाम गरेकी २४ बर्षकी महिला हराएको पारिवारिक श्रोतले जानकारी दिएको छ ।

पारिवारिक श्रोतले अपिटाइम्सलाई दिएको जानकारीअनुसार रिमा घरबाट निस्कँदा पहँेलो सर्ट, रातो सुरुवाल र रातो चप्पलमै निस्किएकी छन् । आफू जाने ठाउँबारे जानकारी नदिई निस्केको हुनाले साँझसम्म प्रतिक्षामा बसेको र साँझसम्म नआएपछि खोजी कार्यमा लागेको उहाँकी आमाजु उषा कुमाल बिकले बताइन् ।

उनका अनुसार परिवारमा श्रीमानसंग सानो मतभेद भएको थियो । रिमाको अवस्थाबारे इलाका प्रहरी कार्यालय पिपरा र सरोकारवालालाई जानकारी गराइएको कुमालले बताइन् ।
रिमा हराएपछि आफू, परिवार र आफन्त तनावमा रहेकाले चाँडै फर्कन रिमालाई कुमालको आग्रह छ । उनको गत असोजमा विहे भएको कुमालले जानकारी दिइन् । फेला परेको खण्डमा ९७०६५२२३९४ मा सम्पर्क गरिदिन कुमालको आग्रह छ ।