तस्वीरः बुटवल घेराउ हुँदाको

बाणगंगा । कपिलवस्तुको बाणगंगा नगरपालिकामा शाखा कार्यालय बनाई सेवा संचालन गरेको मञ्जुश्री बहुउद्धेश्यीय सहकारी पनि शंकाको घेरामा रहेको पाइएको छ । वडा नम्बर ४ सिद्धिपुरस्थित रेडियो मायादेवीको छेउमा रहेको सहकारीले बचतकर्ताको रकम अपचलन गरेको हुन सक्ने भएकाले बचतकर्ता रुष्ट बनेका छन् ।

विगत केहि बर्षदेखि ३ तले घर भाडामा लिएर कारोबार गरिरहेको सहकारी केहि समयअघि रेडियोमुनि तलपट्टीको एक सानो घरमा सरेको थियो । शाखा सार्नुको कारणबारे त्यतिखेर नै अपिटाइम्सले जिज्ञासा राख्दा भाडा धेरै रहेको कारण सर्न लागेको शाखा प्रमुखले बताएकी थिइन् । तर शाखा सारेको केहि समयपछि नै यसबारेका वेथितिहरु बाहिर आउन थालेका छन् । शुक्रबार बचतकर्ताले सहकारी घेराउको तयारी गरेको अपिटाइम्सले सुचना पाएको छ ।

सहकारीले तरलता अभावका कारण संस्थाको कहिले शाखा काउन्टर सेवा बन्द गर्ने, कहिले खोल्ने, कहिले ताला लगाउने गरेको थियो । त्यसपछि शंका लागेर बचतकर्ताहरु भेला भएर सहकारीका समस्याबारे मिडियालाई जानकारी गराउने बताइएको छ ।
यसअघि बुटवलको कार्यालय पनि जनताले घरेका थिए ।