कपिलवस्तु । बाणगंगा नगरपालिका वडा नम्बर ८ स्थित मधुवन सामुदायिक वनले सुत्केरी आमा तथा नवजात शिशुका लागि पोषणयुक्त खानेकुरा वितरण गरेको छ । उपभोक्ता समुहभित्रका ३२ जना सुत्केरी आमाहरुलाई पोष्णयुक्त खानेकुराहरु चना, अण्डा, मह लगायतका खानेकुरा वितरण गरिएको हो ।

वनको कार्यालयमै एक कार्यक्रम गरी खानेकुरा वितरण गरिएको वनका अध्यक्ष शान्त विक्रम पौडेलले बताए । आर्थिक वर्ष २०८० / ८१ को बजेटको ५० हजार बराबरको रकमले अहिले पोषण्युक्त खानेकुरा वितरण गरिएको भन्दै आगामी दिनमा यसलाई बढाउने उनले बताए ।

वनबाट अण्डा, मह, चना पाएपछि सुत्केरी आमाहरु पनि खुसी थिए । सुत्केरी भएको १ बर्षसम्मकाहरुलाई खानेकुरा वितरण गरिएको अध्यक्ष पौडेलले बताए । कार्यक्रमका प्रमुख अतिथि सव डिभिजन वन कार्यालय मोतिपुरका फरेस्टर विष्णु थारुले वनले गरेको यस्तो कार्य पहिलोपटक देखेको भन्दै खुसी ब्यक्त गरे ।

सामुदायिक वनबाट आर्जन गरिएको रकम यसरी प्रयोग गर्दा निकै राम्रो हुने थारुको भनाई छ । कार्यक्रममा वनका पदाधिकारी, महिला स्वास्थ्य स्वयंसेविका, सञ्चारकर्मी, स्थानीय लगायतको सहभागिता रहेको थियो ।उपाध्यक्ष शालिकराम भुषालको स्वागत मन्तव्यमा सम्पन्न कार्यक्रमको संचालन सचिव अनिता थापाले गरेकी थिइन् ।