जितपुर । मंगलबार विहान सार्वजनिक भएको एसईई नतिजामा तौलिहवाको एक विद्यालय जिल्लामै प्रथम भएको दावी गरिएको छ ।

तौलिहवा स्थित सन शाइन बोर्डिङ स्कुलकी छात्रा सुधा चौधरी जिल्ला प्रथम भएको विद्याले दाबी गरेको हो । विद्यालयका अनुसार विद्यालयकी छात्रा चौधरीले ३ दशमलव ९१ जिपिए हासिल गरेर जिल्ला प्रथम भएकी हुन् । शिक्षा तथा समन्वय इकाइमा साँझसम्म जानकारी आएअनुसार सुधाको नै यस बर्ष बढी जिपिए रहेको छ । यो समाचार तयार पार्दासम्म अरु कसैले पनि योभन्दा बढी अंक दावी गरेका छैनन् ।

विद्यालयमा सधैँ उत्कृष्ट अंक हासिल गरेकी सुधाबाट यस खालको नतिजाको आशा गरिएको विद्यालय बताउँछ । चौधरीले पनि यो नतिजापछि आफू खुसी भएको बताइन् ।