काठमाडौं । नेपाली कांग्रेसका सभापति शेरबहादुर देउवाले नेकपा एमालेका अध्यक्ष केपी शर्मा ओलीलाई प्रधानमन्त्री प्रस्ताव गरेका छन् । यद्यपि एमाले–कांग्रेस सरकार बन्न–नबन्ने ओलीको निर्णयमा निर्भर हुने नेताहरूको दाबी छ ।

देउवा र ओलीबीच शनिबार बालकोटमा भेटवार्ता भएको भेटमा सो अफर भएको बताइएको छ ।
एमाले र कांग्रेसका शीर्ष नेताहरूले बालकोट भेटबारे धेरै खुलेर बताएका छैनन् । तर नेताहरुका अनुसार काँग्रेसको प्रस्तावमा समहति जनाउने या नजनाउने सबै जिम्मा ओलीमा रहेको उनले बताए ।
कांग्रेस निकटका नेताहरुले सबै निर्णय लिने जिम्मा ओलीमा रहेको भन्दै प्रतिक्षामा रहेको बताए । यता उक्त भेटले तर्सिएका प्रधानमन्त्री प्रचण्डले लगत्तै ओलीसंग भेटघाट गरेका थिए । ओली देउवा भेटले नेपाली राजनीतिमा अर्को तरंग मच्चिएको छ ।

निर्णायक भूमिकामा रहेका एमाले अध्यक्ष ओलीले प्रचण्डलाई प्रधानमन्त्रीमा समर्थन जारी राख्छन् कि कांग्रेसको समर्थनमा आफैं प्रधानमन्त्री हुने बाटो रोज्छन्, हेर्न बाँकी छ ।