कपिलवस्तु । ग्लोबल डेरीले बजारमा ल्याएको ‘बुद्धभूमी मोहि’ को गुणस्तर परीक्षण हुने भएको छ । बुद्धभुमी नगरपालिका इमिलियामा रहेको बुद्धभुमी मोहीमा अखाद्ध र गुणस्तरहिन सामाग्री मिसावट गरेका प्रमाणहरु भेटिन थालेपछि नियामक निकायले यसको गुणस्तर परीक्षण गर्ने भएको हो ।

यसको लागि गोरोसिङ्गे बजारमा मोहीको सेम्पल कलेक्सन गरी भैरहवा पठाइएको खाद्य तथा गुण नियन्त्रक डिभिजन कार्यालय तौलिहवाका प्रमुख रमेश दहालले बताए । खाद्य तथा गुण नियन्त्रक डिभिजन कार्यालय तौलिहवाका प्रमुख रमेश दहाल र डिभिजनकै सरोज खनालको टोलीले गोरुसिङ्गे बजारमा मोहीको जनगुनासो टिपोट गरेका थिए । अनियमितताका यस्तै गुनासा आएपछि कार्यालयबाट परीक्षण टोली आएको हो ।

केहि महिना मोहीको उत्पाद सुरु गरेको ग्लोबल डेरीले ब्यापक रुपमा बदमासी गरेको अनुमान छ । मोही विक्रिका लागि जहाँजहाँ पठाइएको छ त्यहाँत्यहाँबाट गुनासो आउन थाल्ने क्रममा शुक्रवार गोरुसिङ्गेको एक होटलमा बिग्रीएका बट्टा फेला परेका थिए । उत्पादनको मितिले ५ दिनसम्म खान मिल्ने भनिए पनि बजारमा ल्याएको दोस्रो दिनदेखि नै मोहिमा समस्या देखिएको छ ।

मोहीमा एसिडको मात्रा धेरै भएर पखालाजन्य समस्या, पेट डम्म पार्ने खालको समस्या पनि उपभोक्ताले भोग्न थालेको बताइन्छ । सुरुमा मोहीको चर्चा भए पनि अहिले त्यो चर्चा ओझेलमा पर्नेगरी बदनाम भएको छ । उपभोक्ताहरु पनि सुरुमा राम्रै रहेको बताउँदै आजभोलि कम्पनीले बदमासी गरेको बताउँछन्

। मोहीको गुणस्तर निकै कमसल र अधिक केमिकल प्रयोग गरेको हुनाले उत्पादक संस्था ग्लोबल डेरीको छानविन गर्न पनि माग गरिएको छ ।
परीक्षणपछि लापरबाही ठहरिए कानुन अनुसार कारबाही हुने परीक्षण गर्न आएको टोलीले बताएको छ ।