जितपुर । कपिलवस्तुको शिवराज नगरपालिकाका प्रमुख प्रशासकीय अधिकृत बाबुराम पौडेल पत्नी शोकमा परेका छन् । पौडेलकी धर्मपत्नी सीता पौडेलको गयराति ३९ वर्षको उमेरमा निधन भएपछि पौडेल शोकमा परेका हुन् ।

हृदयघात भएपछि गौतमबुद्ध मुटु अस्पतालमा उपचारको क्रममा सिताको निधन भएको पारिवारिक श्रोतको भनाई छ ।
मृतक पौडलेको लक्ष्मणघाटमा अन्तिम संस्कार गरिएको छ । गुल्मी स्थायी घर भएका प्रमुख प्रशासकीय अधिकृत पौडेल हाल बुटवल बस्दै आएका छन् । पौडेलका २ छोरा छन् ।

नगरपालिकाका प्रमुख प्रशासकीय अधिकृतको पत्नीको निधनले आफूहरुलाई पनि स्तब्ध तुल्याएको भन्दै नगर प्रमुख अजय थापाले दुख ब्यक्त गरे । मृतक प्रति हार्दिक श्रद्धाञ्जली अर्पण गर्दै थापाले शोकसन्तप्त परिवारजनप्रति गहिरो दुख ब्यक्त गरेका छन् ।