काठमाडौं । विष्णु माझीको नयाँ तीज गीत बजारमा आएको छ । ‘आइन आमा यो तीजमा’ बोलको तीज गीत शनिबार युट्युवमा सार्वजनिक भएको हो । यो गीतलाई उनको ‘पुतलीको भट्टी भाग २०’को श्रृंखलाको रुपमा चिनाइएको छ ।
यो तीजमा पनि माझीले नयाँ गीत ल्याएकी छन् ।

श्रीमान सुन्दरमणी अधिकारीको शब्द तथा संगीतमा रहेको यस गीतले युटुभमा पनि ह्वात्तै चर्चा बटुल्न थालेको छ । गीतको भिडियोमा माझीलाई फिचर्ड गरिएको छैन, उनको पाश्र्वगायन मात्र छ ।

यो गीतलाई आशिष अविरलको स्टुडियो रागामा रेकर्ड गरिएको हो । पछिल्लो समयका तीज गीतमा विकृति मिसिएको चर्चाबीच माझीले महिला र परिवारको वेदनामाथि आधारित रहेर गीत ल्याएकी हुन् । यसलाई धेरैले छाडा गीतहरुमाथिको झापड भनेका छन् ।