कपिलवस्तु । बाणगंगा नगरपालिकाको उपप्रमुख रिता चौधरीले हिन्दू नेपाली महिलाहरुको महान पर्व तीजको अवसरमा शुभकामना ब्यक्त गरेकी छन् ।

अपिटाइम्समार्फत् उपप्रमुख चौधरीले त्याग, समर्पण, प्रेम, साधनाको विशेष पर्वको अवसरमा मुलुकभरका सम्पूर्ण महिलाहरुलाई शुभकामना दिएकी हुन् ।

तीजलाई सम्भ र भव्य रुपमा मनाउन आग्रह गर्दै धेरै भड्काउ नगर्न उनको सुझाव छ ।

हरेक बर्ष नगरपालिकाले लक्षित वर्गका कार्यक्रम मार्फत् महिला दिदीबहिनीहरुको हक अधिकारको लागि काम गरिरहेको भन्दै तीज पर्वले महिलाहरुमा रहेको मातृशक्तिलाई अझै बलियो बनाउने आफूले आशा राखेको उनले बताइन् ।

महिलाहरुले बर्षमा एक पटक चाड बनाउन रेष्टुरेन्ट गरिरहँदा कतिपयले आलोचना गरेको सुनेको भन्दै त्यसलाई अन्यथा लिन नहुने उनको भनाई छ । तर दर खाने निहुँमा जथाभावी गर्न नहुने भन्दै अनुशाषित भएर जहाँ दर खाए पनि सकारात्मक रुपमा लिनुपर्ने चौधरीले बताइन् ।