जितपुर । कपिलवस्तुमा सामाजिक संजालमार्फत् खबरदारी गरिरहेका रिखिराम भट्टराई वैदेशिक रोजगारी छोडेर गृहनगर आएका छन् । केहिदिन अघि त्रिभुवन अन्र्तराष्टिय विमानस्थलको बाटो हुँदै रिखिराम बाणगंगास्थित वडा नम्बर ८ मा रहेको धनेशपुर घरमा आएका हुन् । विदेश रहेर बिभिन्न संस्था र ब्यक्तिको चरित्र हत्या गर्नेगरी खबरदारी गरेको भन्दै केहि ब्यक्तिले उनलाई स्वदेशमा आएर काम गर्न चेतावनी दिइरहेका थिए ।

निराधार र अपुष्ट सुचनामार्फत् रिखिरामले हैरानी पारेको भन्दै मुद्धामामिला गर्ने पनि हल्ला चलिरहेको छ । कतिपयले विमानस्थलबाटै रिखिराम पक्राउ पर्ने पनि बताइरहेका थिए ।
त्यो सबै सुचना र हल्ला आफूले पनि सुनेको भन्दै खबरदारी गरेको आधारमा केके गर्नु पर्ने हो गर्न उनले चेतावनी दिए ।
गृहनगर आएको र अब पनि उस्तै गरी डटेर विकृतिविरुद्ध खबरदारी गर्ने उनले बताएका छन् ।

यहाँ आउादा आफ्नो खबरदारीमा धेरै जनताको समर्थन रहेको आफूले पाएको भन्दै उनले खुसी ब्यक्त गरे । अहिले पनि धेरै जनाले घरमै आएर भेटघाट गरिरहेको उनले बताए ।
अब समस्यामा परेका ब्यक्तिलाई भेटघाट गर्ने, कुरा सुन्ने, आवाज उठाउने र वेथिति मच्याउने शाषकविरुद्ध अझै कडा ढंगबाट भौतिक प्रतिवादमा उत्रने उनको चेतावनी छ ।

सार्वजनिक विषय उठाउँदा र जनताको विषयमा बोल्दा जेल जान, मुद्धा खेप्न पनि तयार रहेको उनको भनाई छ । रिखिरामका गतिविधिबाट मुख्य गरी पार्टीका जनप्रतिनिधि, नेता, कार्यकर्ता बढी चिढिएका छन् ।