चन्द्रौटा । कपिलवस्तुको शिवराज नगरपालिकाले पशु चौपाया छाडा छोड्नेमाथि कडा नीतिको अबलम्बन गरेको छ । नगरप्रमुख अजय थापाका अनुसार नगरपालिका भित्रका सडकमा कुनै पनि ब्यक्तिले आफ्ना पशु चौपाय छाडा छोडेको खण्डमा २० हजार रुपैयाँ जरिवाना गर्ने भएको हो ।

यस्तै छाडा पशु चौपाय सडकमा छोडेको सुचना र प्रमाण दिने ब्यक्तिलाई पनि मोटो रकमले पुरस्कृत गर्ने नगरप्रमुख थापाले फेसबुकमार्फत जानकारी गराएका छन् ।

थापाले अपिटाइम्ससंग भने छाडा पशु चौपाय सडकमा छोड्दा दुर्घटना बढ्यो । यसको नियण्न्त्रणको लागि कडा नियम नबनाई भएन । त्यसैले २० हजार रुपैयाँ जरिवाना तिराउने भएका छौँ । यस्तै सुचना पनि दिने ब्यक्तिलाई पनि १० हजार रुपैयाँले पुस्कृत गर्नेछौँ ।
पशु सडकमा छाडेको गुनासो आउने तर अनुगमनमा जाँदा कसको हो प्रमाण नभेटिने भयो । त्यसैले सुचना ग्रहण गर्न र कारबाहीको लागि सजिलो होला भनेर सुचना दिने ब्यक्तिलाई पनि नगद दिने भनेका छौँ । राजमार्गसंगै भित्री सडकहरुमा पनि पशु चौपाय छाडा नछोड्ने उनको आग्रह छ ।

पशु चौपायले सडकमा दुर्घटना र प्रदुषण बढाएको उनले बताए । सुचना ब्यक्तिलाई गोप्य राखिने पनि नगरपालिकाले जनाएको छ । सडकमा छाडा रुपमा पशु चौपाय देखेको खण्डमा ९८६२२१६९३०, ९८०४४८५४०४ नम्बरमा सम्पर्क गरी सुचना दिन मेयर थापाको आग्रह छ ।