प्रतिभा सामुदायिक बन उपभोक्ता समितिको अध्यक्षमा जंग बहादुर यादव (अहिर) विजयी हुनुभएको छ । आज सम्पन्न निर्वाचन एवम् सकिएको मतगणनामा यादव अध्यक्षमा निर्वाचित हुनुभएको हो । निवर्तमान अध्यक्ष समेत रहनुभएका यादव १४२ एकसय बयालीस मतका साथ विजयी हुनुभएको निर्वाचन समितिले जनाएको छ ।
यस्तै पदाधिकारी सहित अन्य सदस्य पदमा पनि यादवकै प्यानलले जीत हासिल गरेको छ । समितिको उपाध्यक्षमा गीता घिमिरे, सचिवमा मीना चौधरी, सह-सचिवमा नारायणी थारु, कोषाध्यक्षमा ऋषिराम भट्टराई र अन्य सदस्यहरुमा विजयी हुनुभएको बताइएको छ ।

कपिलवस्तुको वाणगंगा नगरपालिका वडा नं २ लखनपारामा अवस्थित वन समितिको आजै निर्वाचन भएको हो । विहान सात बजे देखि भएको निर्वाचन ११ बजे सम्म चलेको निर्वाचन समितिले जनाएको छ ।
बन उपभोक्ता समितिको अध्यक्षमा २ जनाको प्रतिस्पर्धा रहेको थियो । जसमा निवर्तमान अध्यक्ष जंगबहादुर यादव र ओमप्रकाश थारु अध्यक्ष पदको लागि चुनावी मैदानमा हुनुहुन्थ्यो । जसमा ओमप्रकाशलाई पछि पार्दै यादव अध्यक्षमा निर्वाचित हुनुभएको हो ।
लेखा समिति तर्फ संयोजकमा राजिव शर्मा र सदस्यहरुमा गणेश भट्टराई र यदाव घिमिरे पनि विजयी हुनुभएको छ ।
ओमप्रकाश नेपाली कांग्रेसका आधिकारीक उम्मेदवार हुनुहुन्थ्यो भने यादव एमालेको रुपमा चुनाव लड्नुभएको हो । पदाधिकारी सहित २२ जनाको उम्मेदवारी परेको थियो । कुल २ सय ४९ मतदाता रहे पनि २ सय २९ मत खसेको निर्वाचन समितिले जनाएको छ । बनको पाँचौं अधिवेशनमा मतदान भएको हो ।

सम्पूर्ण नतिजाको विवरण यसप्रकार रहेको छ ।