कपिलवस्तु । कपिलवस्तुको बुद्धभूमि नगरपालिकामा स्कुल बसले मोटरसाइकललाई ठक्कर दिदा दुई जनाको मृत्यु भएको छ । नगरपालिकाको वडा नम्बर २ पुरेनामा मङ्गलवार दिउसो १२ः४० मा भएको दुर्घटनामा सोही नगरपालिका वडा नम्बर ३ घन्चौराका पवन थापा र वडा नम्बर ४ बुड्ढीका मनिस थारुको मृत्यु भएको इलाका प्रहरी कार्यालय गोरुसिङ्गेका प्रहरी निरीक्षक बिर बहादुर सुनारले बताउनु भयो ।

गोरुसिङ्गेबाट पुरेनातर्फ जाँदै गरेको लु १ ख ९०९२ नको स्कुल बसले उत्तरबाट दक्षिण तर्फ आउँदै गरेको लु ६६ प ४८७५ न।को मोटरसाइकल।एक आपसमा ठक्कर खाएका थिए ।

घाइते भएका थापालाई उपचारको लागी कपिलवस्तु अस्पताल तौलिहवा र थारुलाई चौराहा अस्पताल बुटवल पुराइएको थियो । अस्पतालका चिकित्सकले मृत घोषणा गरेको प्रहरीले जनाएको छ । बस र चालकलाई प्रहरीले नियन्त्रणमा लिएर अनुसन्धान प्रक्रिया अघि बढाएको छ ।