बाणगंगा । कपिलवस्तुको बाणगंगा नगरपालिकामा करेन्ट लागेर मृत्यु भएका पुरुषको पहिचान भएको छ । वडा नम्बर ८ लौगाईस्थित १३२ केभिएको राष्ट्रिय प्रसारण लाइनको टावरमा एक जना पुरुष जलेको अवस्थामा भेटिएका थिए । विहानसम्म उनको पहिचान हुन नसकेकोमा अहिले भने शवको पहिचान भएको छ ।

प्रहरीका अनुसार मृतक वडा नम्बर ८ बालापुर बस्ने रामदेव थारुका छोरा तुलसी थारु ‘बर्ष चालिस’ रहेका छन् । मृतक थारुले लामो समयसम्म मिस्त्री काम गर्ने गरेको स्थानीय बताउँछन् । स्थानीयका अनुसार मृतक थारुमा मानसिक समस्या पनि रहेको थाहा भएको छ ।

पहिचान खुलेसंगै उनको पिपरा अस्पतालमा पोष्टमार्टम हुने इलाका प्रहरी कार्यालय पिपराले जनाएको छ ।

मृतक थारुको मुखसहित शरीरको अधिकांस भाग जलेको थियो । के कारणले ती ब्यक्ति पोलमा चढे त्यो भने खुल्न नसकेको भन्दै घटनामाथि थप अनुसन्धान भइरहेको प्रहरी बताउँछ ।

सम्बन्धित समाचार