बाणगंगा । नेपाल पत्रकार महासंघ कपिलवस्तुको अध्यक्षमा डिलाराम भुसालले उम्मेदवारी दर्ता गरेका छन् । महासंघका पूर्व अध्यक्षसमेत रहेका भुसालले अध्यक्षमा उम्मेदवारी दर्ता गरेका हुन् ।

प्रेस सेन्टर नेपालका नेता समेत रहेका भुसालले प्रेस मन्च नेपालको समर्थनमा उम्मेदवारी दर्ता गराएका हुन् ।

भुसालको प्यानलबाट उपाध्यक्ष (खुला ) मा दिपक केसीले उम्मेदवारी दर्ता गरेका छन् । सचिवमा भुपाल थापा उम्मेदवार बनेका छन् भने सहसचिवमा पीताम्बर घिमिरे (हरि) उम्मेदवार छन् । कोषाध्यक्षमा मोहन बेलबासे र दिलिपकुमार यादवको उम्मेदवारी परेको छ ।

उम्मेदवारी मनोनयन भएपछि आज दिउसो २ बजेसम्म फिर्ताको समय छ । यदि भुसालले आज उम्मेदवारी फिर्ता नलिए भोलि हुने अध्यक्षको चुनावमा पाण्डे र भुसालबीच कडा टक्कर हुने छ । चुनाव भएको खण्डमा जित हासिल गर्ने दुवैको दावी छ । तर अन्तिमसम्म सहमतिको प्रयास हुने जनाइएको छ ।

आफ्नो जित निश्चित भएकाले उम्मेदवारी फिर्ता नलिने भुसालको दावी छ । यता पाण्डेले उम्मेदवारी फिर्ता लिएर सघाउन आग्रह गरेकी छन् ।

१६ सदस्यिय कार्यसमिति रहेको महासंघमा महिला उपाध्यक्षमा पूर्व रेडियो मायादेवीकर्मी दीपा महत सर्वसम्मत चयन भएकी छन् । यस्तै सदस्य (दलित) मा रामप्रघट कोरी, सदस्य (आदीबासी जनजाती) मा सोनकुमारी चौधरी सर्वसम्मत भएका छन् ।

यहीँ मंसीर २८ गते हुन गइरहेको महासंघको निर्वाचनमा अन्य पदमा निर्वाचन हुँदैछ ।