नेपाल मगर विद्यार्थी संघ जिल्ला समिति कपिलवस्तुको अध्यक्षमा थमन रास्कोटी मगर सर्वसम्मत निर्वाचित भएका छन् । सोमबार बाणगंगा नगरपालिका ८ बोडगाउँमा रहेको मगर समाज बौद्ध भवनमा भएको ७ औ जिल्ला अधिवेशनबाट थमन सर्वसम्मत निर्वाचित भएका हुन् ।

अधिवेशनबाट संघको उपाध्यक्षमा निर्मल रास्कोटी मगर, सचिवमा निशा आले मगर, सहसचिवमा दिलिप पुन मगर, कोषाध्यक्षमा चन्दा शिरिष मगर सर्वसम्मत निर्वाचित भएका छन् भने सदस्यहरुमा रुपा राना, सुनिल रेस्मी, सुसिला पचभैया, मिना रास्कोट, सगुन राना, मोनिका सारु, विशाल झेडी, सन्तोष राना, कल्पना थापा, मुना थापा , पुजन झेडीसहित १७ सदस्यीय कार्यसमिति निर्वाचित भएको निर्वाचन मण्डलका संयोजक अर्जुन रास्कोटी मगरले जानकारी दिए ।

राजेश थापा मगरको अध्यक्षतामा भएको उक्त कार्यक्रममा नेपाल मगर विद्यार्थी संघका केन्द्रिय सदस्य कमल थापा मगरको प्रमुख आतिथ्यता, नेपाल मगर विद्यार्थी संघ जिल्ला सस्थापक अध्यक्ष अर्जुन रास्कोटी मगरको विशिष्ट आतिथ्यता, नेपाल मगर विद्यार्र्थी संघका पूर्वअध्यक्ष तुल बाहादुर सुर्यवंशी मगर, नेपाल मगर विद्यार्थीसँघ रुपन्देही सचीव टेक राना मगर, नेपाल मगर विद्यार्थी संघका जिल्ला सल्लाहकार बिनोद राना मगर लगायतको आतिथ्यता रहेको थियो ।

नेपाल मगर विद्यार्थी संघ जिल्ला सदस्य निसा आले मगरको स्वागत मन्तव्य रहेको थियो ।

यसैबीच सोही कार्यक्रममा नेपाल मगर विद्यार्थी संघ जिल्ला समिति कपिलवस्तुले कपिलवस्तु डान्स आईडलमा सहभागीहरुलाई सम्मान समेत गरिएको थियो । ११ औ डान्स आईडल बिजेता गृस्मा गाहा मगर, ११औ डान्स आईडलकी उपविजेता परिमा सारु मगर, १३औ डान्स आईडलमा तृतीय भएकी पबित्रा छहारी मगरलाई सम्मान गरिएको कार्यक्रमको सञ्चालन जिल्ला सचिव थमन रास्कोटी मगरले गर्नुभएको थियो ।