चन्द्रकान्त न्यौपाने, बुटवल । नीजि तथा आवासीय विद्यालय अर्गनाइजेसन ‘प्याबसन’ रुपन्देहीको आगामी अध्यक्षको लागि दिपक खनालले उम्मेदवारी दिने भएका छन् ।

शिक्षा क्षेत्रको विकासमा रुपन्देही तथा कपिलवस्तुमा लामो समय विताएका खनालले यहि पौष २५ गते हुने प्याब्सनको १६ औं अधिवेशनमा अध्यक्षमा उठ्ने जनाएका हुन् । निजी विद्यालयलाई सवल, समृद्ध, गतिशील र प्रभावकारी बनाउनका लागि आफ्नो उम्मेदवारी रहने खनालले फेसबुकमार्फत् दावी गरेका छन् ।

रुपन्देहीको कुँवरवर्ति बोर्डिङ स्कुलमा प्राचार्य तथा कपिलवस्तुको हिलवर्ट बोर्डिङ स्कुलमा अध्यक्ष र अन्य धेरै संस्थासंग जोडिएका खनाल दुवै जिल्लाको खेलकुद तथा शिक्षा क्षेत्रको विकास र प्रगतिमा तल्लीन् ब्यक्तिका रुपमा चिनिन्छन् । खनाल यसअघि प्याबसनको सचिव भएर पनि काम गरिसकेका ब्यक्ति हुन् ।

सचिवअघि जिल्लाका कोषाध्यक्ष र सदस्यमा पनि एकएक कार्यकाल खनालले विताएका थिए भने प्याबसन तिलोत्तमाको नगर सचिव भएर पनि एक कार्यकाल काम गरेका थिए । यहि अनुभवको आधारमा सबैले विश्वास गरेको र चुनावमा जित हासिल गर्ने उनको दावी छ ।

आफू कुरा मात्र नभएर काम गर्ने ब्यक्ति भएका कारण सबैले मत दिएर जिताउने खनालले विश्वास ब्यक्त गरे । चुनाव जितेपछि प्याबसन रुपन्देहीको छविलाई अझै उचो बनाउने उनको दावी छ । नेकपा एमालेनिकट मानिने खनाललाई अरु दलबाट पनि समर्थन जुट्ने दावी गरिएको छ ।

खनालको आफ्नो मात्र दावी होइन धेरैले उनलाई काम गर्ने ब्यक्तिकै रुपमा चिन्दछन् । खनालको प्रतिद्वन्दीको रुपमा एमाले निकटकै एकनारायण काफ्ले अध्यक्षमा उठ्दै छन् ।

खनाल र काफ्ले एमालेनिकटका रहेका कारण चुनाव रोचक हुने अनुमान गरिएको छ । कतिपयले २ जनाको उम्मेदवारीलाई एमालेभित्रको गुटको रुपमा लिएका छन् । अन्तिमसम्म पार्टी खनालको पक्षमा देखिन्छ कि काफ्लेको त्यो भने निश्चित छैन । खनालले पार्टी लगायत सबैबाट आफूले साथ पाउने दावी गरे ।