काठमाडौँ। चेन्नई सुपर किंग्सले इन्डियन प्रिमियर लिग (आईपीएल)मा विजयी शुरूआत गरेको छ। शुक्रबार सम्पन्न उद्धघाटन खेलमा साविक विजेतासमेत रहेको रोयल च्यालेन्जर्स बैंग्लोरलाई ६ विकेटले पराजित गरेको हो ।

बैंगलोरले दिएको १७४ रनको लक्ष्य पछ्याएको चेन्नईले १८.४ ओभरमा ४ विकेट गुमाउँदै १७६ रन बनायो। चेन्नईका शिवम दुबेले अविजित रहँदै ३४ रन बनाए। उनले २८ बलमा ४ चौका र १ छक्का प्रहार गरे। रविन्द्र जडेजाले १७ बलमा १ चौकासहित अविजित रहँदै २५ रन बनाए।

उनीहरूबीच पाँचौँ विकेटका लागि ३७ बलमा ६६ रनको साझेदारी भएको थियो। बैंग्लोरका क्यामरून ग्रिनले सर्वाधिक २ विकेट लिए। यश दयाल र करण शर्माको नाममा १र१ विकेट रह्यो।

त्यसअघि एम चिदामबराम क्रिकेट स्टेडियममा टस जितेर पहिला ब्याटिङ थालेको बैंग्लोरले निर्धारित २० ओभरमा ६ विकेट गुमाउँदै १७३ रन बनायो।

चेन्नईका लागि रावतले २५ बलमा ४ चौका र ३ छक्कासहित ४८ रन बनाए। कार्तिक भने २६ बलमा ३ चौका र २ छक्कासहित ३८ रन बनाउँदै अविजित रहे।