कपिलवस्तु । ‘सिरुबारी घोषणा पत्र’ जारी गर्दै लायन्स क्बलव अफ कपिलवस्तुको आठौँ अधिवेशन सम्पन्न भएको छ । समाजसेवी तथा ब्यवसायी नवदत्त घिमिरेलाई अध्यक्ष चयन गरेको अधिवेशनले अन्य बिभिन्न पदमा पनि सर्वसम्मत नेतृत्व चयन गरेको हो । अध्यक्षमा चयन भएका घिमिरे कपिलवस्तु उद्योग बाणिज्य संघका महासचिव हुन् ।

स्याङ्जाको आधिखोला गाउँपालिका १ पञ्चमुल ‘सिरुवारी’ मा तामझामको साथमा अधिवेशन आयोजना भएको थियो । ५० बढी सदस्य रहेको लायन्सले अध्यक्षमा घिमिरेसंगै प्रथम उपाध्यक्षमा नारायण पौडेल, द्धितीय उपाध्यक्षमा सुमन क्षेत्री र तृतीय उपाध्यक्षमा सागर घिमिरे चयन गरेको छ ।

उपाध्यक्षमा विश्वराज खनाल र सान्ताराज गैरे चयन हुँदा सचिवमा दामोदर पन्थी र कोषाध्यक्ष विष्णु घिमिरे चयन भए । यस्तै सह सचिवमा गिरिराज कडेँल, सह कोषाध्यक्षमा विष्णु पाठक चयन भएका क्लवले जनाएको छ । संस्थापक अध्यक्ष कृष्ण केसीको प्रमुख आतिथ्य रहेको कार्यक्रमको संयोजन क्लवका पुर्व अध्यक्षद्धय सुरेन्द्र घिमिरे र रामसुभागे थारुले गरेका थिए । कार्यक्रममा पुर्व अध्यक्ष धातानन्द भुसालल लगायत सहभागि थिए । लायन्सले बिभिन्न मानवीय र सामाजिक कार्यहरु गर्दै आएको छ ।