काठमाडौँ । राष्ट्रिय आविष्कार केन्द्रका प्रमुख तथा अभियान्ता महावीर पुन किताब बेच्ने यात्राको ९० औँ दिनमा शुक्रबार कपिलवस्तु आए । मात्र १ दिनको लागि उनी आएकोमा आज तेश्रो दिन पनि कपिलवस्तुमै रहेका छन् । कपिलवस्तुका बिभिन्न स्थानमा किताब बेच्ने अभियानले माया पाएपछि उनी आज आइतबार पनि यतै रहने भएका हुन् । विहान सिद्धार्थ क्याम्पसमा कार्यक्रम आयोजना गरिएको छ ।

त्यसपछि नगरपालिका, कपिलवस्तु उद्योग बाणिज्य संघ र पिपरामा कार्यक्रम तय भएको उनले अपिटाइम्सलाई बताए । पुनले कपिलवस्तुबासीमा पुस्तकप्रतिको माया रहेको पाएको बताए । सन्तोष गैरे, चन्द्रकान्त न्यौपाने, रविन्द्र पौडेल लगायतले बिभिन्न स्थानमा कार्यक्रमको संयोजन गरिरहेका छन् ।

हिजो विहानदेखि साँझसम्म बाणगंगामा रहेका उनले आइतबार विहानदेखि पनि बाणगंगामै किताब बेच्दै छन् । हिजो तौलिहवा पुग्ने जनाएका उनले आज साँझ मात्र तौलिहवा पुग्ने बताएका छन् । साँझसम्म तौलिहवा पुग्ने उनले बताए । आज उनको ९१ औँ दिन हो ।
कपिलवस्तु अघि पुन मुलुकका २७ जिल्ला पुगिसकेका छन् । यसपछि उनी पूर्वतर्फ जाने उनले अपिटाइम्सलाई बताए ।

अहिलेको पुस्तामा पठन संस्कृति हराइरहेको भन्दै किताबले मुलुकमै केहि गर्ने सोँच निर्माण गर्न प्रेरित गर्ने बताउँदै पुस्तक किन्दा भएको खर्चले मुलुक निर्माण हुने बताए ।

मुलुकभरका १ प्रतिशत नागरिकसमक्ष पुस्तक पुर्याउने गरी आफू लागेको उनले बताए । मुलुकका १ प्रतिशत नेपालीले किताब किन्दा पनि ३ लाख नेपालीले किताब किनेर राष्ट्र निर्माणमा सहयोग हुने उनको विश्वास छ । पुस्तक बेचेर प्राप्त भएको आम्दानी वीरगंज कृषि औजार कारखानाको विकासको लागि खर्च गरिने पुनले बताए ।

कपिलवस्तु आफ्नो ठाउँ नौलो रहेकाले सहयोग गर्न पुनको सबैमा आग्रह छ । पुन माघ महिनाबाट किताब बेच्ने यात्रामा निस्किएका हुन् । महावीर पुनले विश्वप्रसिद्ध म्यागासेसे लगायतका धेरै पुरस्कारहरु पाइसकेका छन् ।