चन्द्रकान्त न्यौपाने

काठमाडौँ । लुम्बिनी प्रदेश सभा सदस्य विष्णु पन्थीकी ममतामयी माताको अन्त्येष्टि गरिएको छ । लुम्बिनी प्रादेशिक अस्पतालमा ८१ बर्षको उमेरमा शुक्रबार विहान निधन हुन पुगेकी इन्द्रकला पन्थीको शुक्रबार साँझ नै लक्ष्मणघाटमा अन्त्येष्टि गरिएको हो । अन्त्येष्टिमा जनसागर नै उर्लिएको छ ।

निकै सरल र सहयोगी छवि बनाएका पन्थीकी माताको निधनमा अन्तिम श्रद्धाञ्जली अर्पण गर्न भन्दै सर्वसाधारणदेखि मुखयमन्त्रीसम्म लक्ष्मणघाट पुगेका थिए । राष्ट्रिय सभा उपाध्यक्ष विमला घिमिरे, शुक्रबार नै विश्वासको मत पाएका लुम्बिनी प्रदेश सरकरकारका मुख्यमन्त्री जोख बहादुर महरा, दर्जन संख्यामा साँसद, बिभिन्न पालिकाका मेयर, उपमेयर, अध्यक्षको सहभागिता थियो भने कपिलवस्तु, अर्घाखाँची र रुपन्देहीको बुटवलसम्मका एमालेसहित बिभिन्न दलका नेता, कार्यकर्ता, समाजसेवी, ब्यवसायी, पत्रकार र शुभेच्छुकहरु पनि लक्ष्मणघाट पुगेका थिए ।

साँझ ५ बजेबाट अन्त्येष्टि कर्म सुरु भए पनि राति अँध्यारो हुने बेलासम्म आउजाउ गर्नेको कमी थिएन । मलामी गएका मानिसका सवारीले त्यहाँको खुला चौर र मुलबाटोको दायाबाया भरिभराउ थियो । पन्थी परिवारका माइला सुपुत्र हुन् । जेष्ठ सुपुत्र रहेका पन्थीले नै आमाको पार्थिव शरीरमा दागबत्ती दिएका थिए । पन्थीका भाइ हिमालय पन्थी पनि संगै थिए । पन्थी शुक्रबार मुख्यमन्त्रीलाई विश्वासको मत दिएर दाङबाट बुटवल फर्केपछि शव यात्रा सुरु भएको थियो ।

अन्त्येष्टिको क्रममा नेकपा एमाले बाणगंगा नगरकमिटिले शोक सभा पनि राखेको थियो । शोक सभामा जनता माविका प्राचार्य रमेश पन्थीले इन्द्रकलाको जीवनी पढेर सुनाएका थिए । पन्थी परिवारको शोकमा ढाढस दिन पुगेका सबैलाई पन्थी परिवारले धन्यबाद दिएको छ । भोलि ‘शनिबार’ बाट बुटवलको निवासमा पन्थी आमाको १३ दिने काजकिरियामा सहभागि हुनेछन् ।

इन्द्रकली दीर्घरोगी हुनुहुन्थ्यो । उहाँको लामोसमयदेखि उपार भइरहेको थियो ।