काठमाडौँ । राष्ट्रिय आविष्कार कन्द्रका प्रमुख महावीर पुनले रुपन्देहीमा मात्र ठुलो परिमाणमा पुस्तक बेचेका छन् । एक सातादेखि बुटवल रहेका उनले आफ्नो फेसबुकमात्र कितब विक्रीबारेको जानकारी दिएका छन् । उनले एक सन्देश लेख्दै फेसबुकमा २ वटा भौचर नै सार्वजनिक गरेका छन् । नेपाल बैङ्क लिमिटेडको एउटा भौचरमा ३२ लाख रुपैयाँ जम्मा भएको छ भने अर्को भौचरमार्फत् २९ लाख ५० हजारको भौचर जम्मा गरेका छन् । रुपन्देहीबासी जनतालाई सोझा उपमा दिएका उनले लेखेका छन्
रुपन्देही जिल्लाको मात्र हिजो सम्मको कमाई हेर्नु होस्। यहाँका जनता निकै सोझा रहेछन् । सोझा जनतालाई निकै पैसा झारियो। अझै दुइ तिन दिन यतै किताब बेचिन्छ। माफ गर्नु होला। बाठो मान्छे बाट पैसा झार्न गाह्रो हुन्छ।
रुपन्देहीको केहिदिनको बसाईपछि उनी पूर्वतर्फ प्रस्थान गर्ने बताइएको छ । वीरगंजस्थित कृषि औजार आविष्कार केन्द्रलाई संचालन गर्न उनले किताब बेच्ने अभियान सुरु गरेका हुन् ।