काठमाडौं । वेस्ट इण्डिजविरूद्ध जितका लागि २०५ रनको लक्ष्य पछ्याएको नेपालले मध्ययम प्रदर्शन गरिरहेको छ । चाँडै दुवै ओपनर गुमाएको नेपालका लागि कप्तान रोहित कुमार पोडेलले अर्धशतक (५० रन) पुरा गरेका छन् । उनले २८ बलमा अर्धशतक पुरा गरेका हुन् ।

उनले ३६ बलमा ६६ रन प्रहार बनाएर विष्फोटक पारी खेलिरहेका छन् । उनलाई अहिले दीपेन्द्र सिंह ऐरीले साथ दिइरहेका छन् । अहिलेसम्म नेपालले ११ ओभरको समाम्तिमा ३ विकेटको क्षतिमा १०५ रन बनाएर खेलिरहेको छ ।

त्रिवि मैदान कीर्तिपुरमा २.१ ओभरमा नेपालले पहिलो विकेटका रूपमा अनिल साहलाई गुमाएको थियो।

उनी म्याथ्यु फोर्डीको बलमा कादिम एलेनबाट क्याच आउट भएका हुन्। ९ बलमात्रै खेलेका उनी ५ रन बनाएर आउट भएका हुन्।

४ .५ ओभरमा अर्का ओपनर कुशल भूर्तेल आउट भए। उनी १२ बलमा ३ चौका प्रहार गरी १६ रन बनाएका थिए। कुशल मल्ल भने रन आउट भए ।