काठमाण्डौ । टी२० विश्वकप क्रिकेटका लागि टोली घोषणा भएको छ । नेपाल क्रिकेट सङ्घ (क्यान) ले टी२० विश्वकपका लागि रोहितकुमार पौडेलको कप्तानीमा १५ सदस्यीय टोली घोषणा गरेको हो ।

नेपाली टोलीमा कप्तान रोहितसँगै आसिफ शेख, अनिलकुमार साह, कुशल भुर्तेल, कुशल मल्ल, दीपेन्द्रसिंह ऐरी, ललित राजवंशी, करण केसी, गुल्सन झा, सोमपाल कामी, प्रतिस जिसी, सन्दीप जोरा, अविनाश बोहरा, सागर ढकाल र कमलसिंह ऐरी रहेका छन् ।

टी–२० विश्वकप क्रिकेट यही जुनरजुलाईमा अमेरिका र वेस्ट इन्डिजमा हुँदैछ । नेपाल टी(२० विश्वकप क्रिकेटको समूह ुडीु मा छ । यो समूहमा नेपालसँगै बङ्गलादेश, नेदरल्यान्ड्स, दक्षिण अफ्रिका र श्रीलङ्का रहेका छन् । नेपालले जुन ४ मा नेदरल्यान्ड्ससँग खेल्दै प्रतियोगिताको शुरुवात गर्नेछ ।

यसैबीच बलात्कार अभियोगमा सजाय भोगिरहेका क्रिकेटर सन्दिप लामिछानेले राष्ट्रिय टोलीको घोषणा लगत्तै असन्तुष्टि रहेको संकेत दिएका छन् । फेसबुकमा एक सन्देश लेख्दै उनले आफू षड्यन्त्रको शिकार भएको बताएका हुन् । उनले अंज्रेजीमा लेखेको भनाईमा ”मैले पोस्ट गर्नबाट आफूलाई टाढा राखें। म षड्यन्त्रको शिकार भएकोमा मलाई कुनै शंका छैन । यस षड्यन्त्रमा आफ्नो भूमिका खेल्ने सबैलाई भगवानले आशीर्वाद दिउन्। म सबै कुरा भगवानमा छोड्छु। सत्यतथ्य बाहिर नआएसम्म समयले बताउनेछ ।”

यसबाट उनको असन्तुष्टि रहेको अनुमान गर्न सकिन्छ ।