कपिलवस्तु । नेपाल कम्युनिष्ट पार्टी (एमाले) कपिलवस्तुको दशौं जिल्ला अधिवेशनको लागि पार्टी अध्यक्ष केपी शर्मा ओली आउने भएका छन् ।

२६ र २७ गते चन्द्रौटामा अधिवेशन मिति तय भएअनुसार ओलीले २६ गते खुला सत्रको उद्घाटन गर्ने छन् । ओली आउने भएपछि नेताकार्यकर्तामा उत्साह थपिएको जिल्ला अध्यक्ष डम्बर शर्माले बताए । अधिवेशनको लागि पार्टीले ५ सय प्रतिनिधिसमेत चयन गरेको छ । अधिवेशनको तयारी तीव्र भएको शर्माले बताए ।

सकेसम्म सहमतिमा र नभए चुनाव हुने बताइएको छ । अध्यक्ष पदको लागि वर्तमान अध्यक्ष शर्मा, नेताद्धय विश्राम प्रसाद चौधरी र कृष्ण पौडेल मुख्य आकांक्षी छन् ।