काठमाण्डौँ । नेकपा एकीकृत समाजवादीकी नेता रामकुमारी झाँक्रीले नेपाली कांग्रेसका महामन्त्री गगन थापामाथि गृहमन्त्री रवि लामिछानेले लगाएका आरोप प्रमाणित गर्न चुनौती दिएकी छन् ।

सोमबार दिउँसो सामाजिक सञ्जालमार्फत झाँक्रीले गगन थापा पछिल्लो आन्दोलनको नेता र युवाहरूको राजनीतिक आइकन रहेकोले आरोपको प्रमाणको भार स्वयम् आरोप लगाउनेले पूरा गर्नुपर्ने कुराको हेक्का राख्न चेतावनीसमेत दिएकी छन् ।
गगन थापा यो आन्दोलनको नेता हो । युवाहरूको राजनीतिक आइकन हो । आफ्नो सामर्थ्यले यो तहको नेता बनेको हो । गगन थापामाथि लगाएको आरोपको प्रमाणको भार स्वयम् आरोप लगाउनेले पूरा गर्नुपर्छ, हेक्का रहोस्ु, झाँक्रीले लेखेकी छन् ।

रामकुमारी र गगन विद्यार्थी राजनीतिबाट उदाएका समकालीन नेता हुन् । उनीहरूले २०६२र०६३को जनआन्दोलनमा विद्यार्थीहरूको अगुवाइ गरेका थिए । उनीहरू देशमा गणतन्त्र चाहिने भन्दै नारा लगाउने सुरुवाती नेता मध्येमा पर्छन् ।

आइतबार संसद बैठकमा सम्बोधन गर्दै गृहमन्त्री लामिछानेले थापालाई विदेशीहरूको एजेन्ट भनेका थिए ।