काठमाडौँ । नेपाली साहित्य जगतमा युवा श्रष्टाहरुको जन्म हुने क्रम जारी छ । आजभोलि साहित्य अध्ययनमा लागेका युवाहरुले लेखनलाई पनि उत्तिकै प्राथमिकता दिन थालेका छन् ।

यसैबीच लामो समयदेखि कविता र मुक्तक विधामा कलम चलाएका युवा कवि मधुसुदन घिमिरे पनि आफ्नो पहिलो कवितासंग्रह प्रकाशनको सम्मुखमा छन् ।

काठमाडौँको बुढानीलकण्ठमा स्थायी बसोबास गरिरहेका मधुसुदन घिमिरेले जेष्ठ १५ गते सबा १२ बजे ‘मायाको आयतन’ नामक पुस्तकको विमोचन गर्न लागेका हुन् ।

नेपाल पर्यटन बोर्डको हलमा पूर्वप्रधानमन्त्री, अहिलेका चर्चित श्रष्टा र साहितयकारको साथमा विमोचन कार्यक्रम हुने बताइएको छ ।

भर्खर स्नातक तहको अध्ययन सकेका घिमिरेले सानाठुला १२५ थान कविता समेटेटेर कविता संग्रह तयार पारेका छन् । उक्त संग्रह प्रकाशनमा साहित्यपोस्टले सहयोग गरेको छ ।

आफ्ना कवितामा जीवन र जगतका प्रेमिल अनुभुतिहरुको गहिराई भेट्न सकिने कवि घिमिरे बताउँछन् । कवि घिमिरेका अनुसार समाजिक समस्या, देश तथा युवाहरुको वर्तमान अवस्थालाई पनि कविताहरुमा समेट्न खोजिएको छ । कवि घिमिरे लामोसमय संचार क्षेत्रमा आवद्ध रहे भने ७५ सालपछि निरन्तर लेखनमा पनि सक्रिय रहे ।

त्यसपछिका अनुभुतिका संगालो मायाको आयतन रहेको उनी बताउँछन् ।

कविता सङ्ग्रहमा कविताहरूसँगै चित्रहरूको पनि मिलित रुप भेट्न सकिन्छ ।