जितपुर । बाणगंगा नगरपालिकास्थित माउण्ट एभरेष्ट इङ्लिश एजुकेश्नल जोनले ब्रिजकोर्ष पढेका एसईई उत्तीर्ण विद्यार्थीलाई सम्मान गरेको छ । मायादेवी रिसोर्टमा एक कार्यक्रमको आयोजना गर्दै एसईई उत्तीर्ण गरेका ६५ बढी विद्यार्थीलाई सम्मान गरेको हो ।

संस्थाका प्रबन्ध निर्देशक माधव बञ्जाडे र सोनु पौडेलले टिका र खादा लगाएर विद्यार्थीलाई सम्मान गरेका थिए ।
सम्मान प्रदान गर्दै बञ्जाडेले एसईईमा प्राप्त गरेको जिपिएले भोलिको दिन निर्धारण नगर्ने भन्दै आगामी दिन राम्रो गराउन अध्ययन र मिहिनेतमै जोड दिनुपर्ने बताए ।

सम्मान ग्रहण गर्दै विद्यार्थीहरुले माउण्ट एभरेष्टले उच्च शिक्षाको लागि आफूहरुलाई राम्रो मार्ग निर्देशन गरेको बताए ।
संस्थाबाट आफूहरु सन्तुष्ट रहेको उल्लेख गर्दै ब्रिजकोर्षमा दिएको मागए र ज्ञान सदैव स्मरणीय रहेको विद्यार्थी बताउँछन् ।

माउण्ट एभरेष्ट जिल्लामा पहिलोपटक ब्रिज कोर्ष संचालन गर्ने सस्था हो । यहाँ अहिले कोरियन, जापनिज भाषाका साथै लोक सेवा तयारी, आइएलटिएस, पिटिई र कम्युटर शिक्षाको अध्ययन हुन्छ ।