काठमाण्डौ । गायक प्रकाश तिमिल्सिनाको निधन भएको छ । हिजो बेलुका ललितपुरको भैँसेपाटी डेरामा अचेत अवस्थामा भेटिएका उहाँलाई परिवारका सदस्य र आफन्तले तत्काल पाटन अस्पताल पुर्‍याएका थिए । तर डाक्टरले मृत घोषणा गरे । तिमिल्सिनाको शव अहिले बिहान सङ्गीत तथा नाट्य प्रज्ञाप्रतिष्ठानमा अन्तिम श्रृद्धान्जलीका लागि राखिने सङ्गीतकार चेतन सापकोटाले जानकारी दिए ।

तिमिल्सिनाको आजै पशुपति आर्यघाटमा अन्तिम संस्कार गरिने परिवारले जनाएका छन् । सुनसरीका स्थायी बासिन्दा तिमिल्सिना गायन प्रतियोगिताुनेपाली ताराु मार्फत सङ्गीत क्षेत्रमा उदाएका थिए । उनका प्रिय तिम्रो सिउँदोमा सिन्दूर भर्न देऊु, तिम्रो हातको सिन्दूरु,नमान लाज यसरीु, तिमीलाई देखेर आँखा त्यहीँ छोडी हिंडे मु, नआए नि हुन्थ्यो, लगायतका गीत छन् । उनले बाल्यकालमै आँखाको ज्योति गुमाएका थिए ।

गायक तिमिल्सिनाको निधनमा सङ्गीतकर्मी, शुभेच्छुक, सर्वसाधारणलगायतले सामाजिक सञ्जालमा अन्तिम श्रद्धाञ्जली व्यक्त गरिरहेका छन् । सङ्गीतकर्मी टीका भण्डारीले ुकोशीमा बाढी आउँदा २०४५ सालमा तिमी बाँच्यौं अनि नेपाली सङ्गीतमा धेरै गर्‍यौ भनेर लेखेका थिए । भण्डारीका अनुसार यो घटना हुँदा तिमिल्सिना नौ महिनाका थिए ।