जितपुर । प्रतिद्वन्दी मदन शाहीलाई पराजित गर्दै एमाले बाणगंगा नगर अध्यक्षमा सोमनाथ अर्याल निर्वाचित भएका छन् । केहि समयअघि सकिएको मतगणनाको नतिजामा १४६ मतसहित अर्याल निर्वाचित भएका हुन् ।

शाहीको पक्षमा जम्मा ५४ मत मात्र खसेको बताइएको छ । यसरी हेर्दा ९२ मतको अन्तरले अर्याल विजयी भए । २११ प्रतिनिधि रहेकामा जम्मा २०४ मत खसेको थियो ।

यस्तै उपाध्यक्ष पदको लागि भएको चुनावमा चार नम्बरका भीम बहादुर थापा १३९ मतसहित नै निर्वाचित भएका निर्वाचन मण्डलले जानकारी दियो ।

यस्तै उपसचिवमा जगतराज रेग्मी निर्वाचित भए । महिला उपसचिवमा लक्ष्मी थारु निर्वाचित भइसकेकी थिइन् । यस्तै सचिव पदमा पनि चेतनारायण आचार्य निर्विरोध निर्वाचित भएका बताइएको छ ।