काठमाडौँ । राष्ट्रिय स्वतन्त्र पार्टीका सभापति रवि लामिछानेले सहकारी प्रकरण आफूमाथि केन्द्रीत गरेर लाखौँ सहकारी पीडितमाथ पाप गरिएको बताएका छन् । सोमबार प्रतिनिधिसभाको बैठकपछि सञ्चारकर्मीहरुलाई प्रतिक्रिया दिदै उनले यस्तो बताएका हुन् ।

सहकारी ठगीमा मेरो संलग्नता, मलाई ठग प्रमाणित गर्न खोजियो , आज पनि यो मुद्दा रवि लामिछानेमाथि केन्द्रीत गरेर लाखौँ सहकारी पीडितमाथि अन्याए होइन पाप गरिएको छ । त्यो पापको चारी कसले बोक्नुपर्ने हो मलाई थाहा छैन,’ लामिछानेले भने ।

उनले सहकारी सम्बन्धी छानबिन गर्न बनेको समिति सभापति तथा सदस्यहरुलाई धन्यवाद दिएका छन् ।