कपिलवस्तु । प्रेस सेन्टर नेपाल कपिलवस्तु शाखाको छैठौ जिल्ला अधिवेशन सम्पन्न भएको छ । कपिलवस्तु नगरपालिकाको सभाहलमा सम्पन्न भएको अधिवेशनले मनिस कार्कीको अध्यक्षतामा १५ सदस्यीय निर्विरोध समिति चयन भएको छ ।

जसको उपाध्यक्षमा माधव बेल्बासे, भगवती न्यौपाने, सचिवमा पिताम्बर घिमिरे ‘हरि’,सहसचिवमा सूर्य गुरूङ्ग, सहसचिवमा अजय शाहनी, कोषाध्यक्षमा सहबाज खाँन लगायत अन्य सदस्यमा रहनु भएको छ ।

अधिवेशनमा बोल्दै नेकपा माओवादी केन्द्रका केन्द्रीय सदस्य तथा कपिलवस्तु जिल्ला इन्चार्ज रुद्रप्रसाद बञ्जाडेले पत्रकारको प्रेस सेन्टर सङगठनलाइ सुदृढ गर्दै सक्रिय बनाउन आवश्यक रहेको बताए । समाज रुपान्तरणमा सञ्चार क्षेत्रको भुमिका महत्त्वपूर्ण रहेकाले निशपक्ष र इमान्दार भएर काम गर्नुपर्नेमा उनको जोड छ ।

त्यस्तै माओवादी केन्द्र कपिलवस्तुका अध्यक्ष विष्णु बेलबासेले कपिलवस्तुको विकासको लागि सञ्चार माध्यमले शसक्त भुमिका निर्वाह गर्नुपर्ने बताए । उनले अनैतिक र अनियमित गतिविधि विरुद्ध आवाज बुलन्द गर्न आग्रह गरे ।

प्रेस सेन्टर कपिलवस्तुका सस्थापक अध्यक्ष सिपि शर्माको नामबाट स्थापित युवा पुरस्कारबाट पत्रकार मनिष गुप्ता सम्मानित भएका छन् ।

कार्यक्रममा प्रेस सेन्टर नेपालका लुम्बिनी प्रदेशका अध्यक्ष मानसिह विश्वकर्मा, केन्द्रीय सदस्यद्धय बसन्त गिरि, तथा कपिलवस्तुका इन्चार्ज डिलाराम भुसाल, प्रदेश समितिका सचिव चिन्ता परियार लगायतले बोलेका थिए ।

प्रेस सेन्टर कपिलवस्तुका शाखा अध्यक्ष अर्जुन बेलबासेको अध्यक्षता, उपाध्यक्ष भुपाल थापाको स्वागत मन्तव्यमा भएको कार्यक्रमको सञ्चालन सचिव माधव बेलबासेले गरेका थिए ।