जितपुर । १५औं कपिलवस्तु महोत्सवको पाँचौँ दिनमा आज महानायक राजेश हमाल आउने भएका छन् । दिउँसो ३ बजे हमाल आउने कार्यक्रम रहेको सांस्कृतिक संयोजक रामजी सेनले जानकारी दिए ।

यस क्षेत्रमा पहिलोपटक स्थापना हुन लागको कपडा तथा खाद्यान्न बैंकको उद्घाटन गरी केहि समय हमालले सम्बेधन गर्ने कार्यक्रम रहेको कपिलवस्तु उद्योग बाणिज्य संघका अध्यक्ष तथा महोत्सवका संयोजक गणेश बहादुर क्षेत्रीले बताए । उनको आगमन हुने भएपछि सबै उत्साहित भएको क्षत्रीले बताए ।

हमालसंगै आज नै चर्चित लोकदोहोरी गायक अर्जुन सापकोटा लगायतका कालाकार पनि आउने तय भएको संयोजक सेन बताउँछन् । त्यस्तै आधुनिक गायक हिमाल सागर, लोकदोहोरी गायिका रितु थापा लगायतका कलाकारले पनि आज १५ औँ कपिलवस्तु महोत्सवका दर्शकलाई बताउने छन् ।

कपिलवस्तु उद्योग बाणिज्य संघको आयोजनामा मंसिर १९ गतेदेखि सुरु भएको महोत्सव पुष २ गतेसम्म संचालन हुने आयोजकले जनाएका छन् ।