जितपुर । कपिलवस्तुमा सफल युवा ब्यवसायी तथा समाजसेवीको छवी बनाएका झविन्द्र खनालले कपिलवस्तु जेसिज बर्ष २०२५ को लागि अध्यक्ष पदमा उम्मेदवारी दिने भएका छन् ।

जेसिजमा सचिव, कोषाध्यक्ष, उपाध्यक्ष र वरिष्ठ उपाध्यक्षको खनालले माघ ४ र ५ गते हुने जेसिजको वार्षिक अधिवेशनमा आफ्नो उम्मेदवारी रहने घोषणा गरेका हुन् । नेतृत्व विकास, सामाजिक र मानवीय कार्य गर्दै आइरहेको जेसिजलाई अहिलेको स्थितिभन्दा माथि उठाउन अध्यक्षमा आफ्नो विकल्व नभएको भन्दै उम्मेदवारी दिने निधो भएको खनालले अपिटाईम्सलाई बताए ।
सके सर्वसम्मत गराउन र नभए आफू चुनाव लड्न तयार रहेको उनले बताए । यसअघि पनि अध्यक्षमा उठ्ने बताए पनि सहमतिको बातावरण बनाउन आफू पछि हटेको उनको भनाई छ ।

अहिले सबै सदस्य, पूर्व अध्यक्ष र अग्रजहरुसंग सल्लाह भएको र आफ्नो उम्मेदवारीमा उहाँहरुको समर्थन रहेको खनालको दावी छ । नेपाल किसान ट्याक्टर समितिको अध्यक्षसमेत रहेका उनले जेसिजलाई अब आर्थिक रुपमा पनि सबल बनाउने नेतृत्व चाहिएको बताए ।
चुनाव भए आफ्नो पल्लाभारी हुने खनालको ठोकुवा छ । संस्था चलाउन गफ नगर्ने र काम गर्ने नेतृत्व चाहिन्छ, उनले भने, ‘म गफ गर्न, भाषण गर्न जान्दिनँ तर संस्थालाई कसरी अघि लैजानु पर्दछ भन्ने थाहा छ । यसको लागि केकस्तो तयारी गर्नुपर्दछ, ककससंग सहकार्यको वातावरण मिलाउनु पर्दछ त्यो पनि थाहा छ । मेरो नेतृत्वमा जेसिज अहिलेकोभन्दा निकै माथि हुने छ । त्यसैले मत जाहेर गर्न सबै सदस्यलाई आग्रह गर्दछु ।’

जेसिजले भने सहमतिमा नेतृत्व चयन गर्ने बताएको छ । अहिले अध्यक्षमा अर्का युवा ब्यवसायी सुनिल पाण्डेको पनि चर्चा छ । चुनाव या सहमति जे भए पनि यी दुई जनामा हुने जेसिजका अभियान्ता बताउँछन् । जेसिजको भवनमा अहिले मृगौला डाइलाइसिस सेवा जारी रहेकाले यसलाई अझै राम्रो बनाउने विषयमा पनि आफूले ध्यान दिने उनले बताए ।