बुद्धभुमी ।कपिलवस्तु जिल्लाको बुद्धभुमी नगरपालिका वडा नम्बर १ बिरपुरमा नवदिवशीय नवग्रह अनुष्ठान तथा श्रीमदभागवत धनधन्याचल ज्ञान यज्ञ हुने भएको छ । बुद्धभुमी नगरपालिकाको वडा नम्बर १ बिरपुरमा रहेको शनिधाममा यही माघ २१ गतेदेखि २९ गतेसम्म नव दिवशीय नव ग्रह अनुष्ठान तथा ज्ञान यज्ञ हुने भएको हो ।

सो अवसरमा नवग्रह कटाउन चाहाने ब्यक्तिले कुनै दोष लागेको मानेमा त्यसलाई कटाउन सक्ने शनिदेव धामका प्रमुख संरक्षक एवम पिठादिस बाबा योगीराजले जानकारी दिए ।

बुद्धभुमी १ बिरपुरमा हुने यो यज्ञ नेपालमै पहिलो पटक हुन लागेको बताउँदै यस नव दिवशीय नवग्रह अनुष्ठान तथा ज्ञान यज्ञले कपिलवस्तुकै धार्मिक पर्यटनमा टेवा दिने बाबा योगीराजले जानकारी दिए ।

यज्ञमा२१ जना पण्डीत रहने बताइएको छ । उक्त यज्ञमा ग्रह कटाउनाले जीवनमा आइ परेका समस्या समाधान हुने र मानिसका मनोकांक्षासमेत पुरा हुने बुद्धभुमी नगरपालिका वडा नम्बर १ का अध्यक्ष तेज बहादुर बस्नेत चिलकले बताए ।

यज्ञको मुख्य बाचकको रुपमा पंडित विष्णु सापकोटा रहेका छन् । बुद्धभूमि नगरपालिकाकका नगर प्रमुख तथा संरक्षक केशव कुमार श्रेष्ठले सो अवसरमा यज्ञ समुदघाटन, सुर्य मन्दिर शिलान्यास, महासंकल्प एवम हवन, श्रीमदभागवत पाठपारायण एवम कथा प्रवचन, भजन कृतन जस्ता कार्यक्रम समेत हुने भएकाले सहभागी हुन सबैलाई आग्रह गरे । यस यज्ञलाई निकै पृथक बनाउने गरी तयारी भएको उनको भनाई छ ।