मेष

चु, चे, चो, ला, लि, लु, ले, लो, अ

आजको दिन वौद्धिक उन्नती हुनेछ । शैक्षिक क्षेत्रमा विशेष सफलता मिल्ने छ । प्रेम सम्बन्ध प्रगाढ बन्नाले मनमा सन्तोष रहने छ । सन्तानको साथ सहयोग प्राप्त हुनेछ । रत्न तथा बहुमुल्य धातु प्राप्ती तथा यी संबन्धी व्यापार- ब्यावसायबाट सन्तोषजनक मुनाफा प्राप्त हुने छ । राज्य पक्षबाट पनि उचित मान सम्मनको योग रहेको छ ।

वृष

इ, उ, ए, ओ, बा, बि, बु, बे, बो

चोटपटकको भय रहने छ । मुद्दामामिला, झैझगडामा फस्न पर्ने जस्तो देखिएता पनि जीत भने तपाईंकै हुने समय देखिएको छ । माता सँगको संबन्धमा तिक्तता आउने छ । आफ्नै कारणले आफैलाई पछुताउनु नपर्ला भन्न सकिन्न, कुनै पनि कदम चाल्नु भन्दा पहिला राम्रो विचार, विमर्ष गरेर मात्र कदम चालेको उचित हुनेछ । मन चञ्चल रहनाले थालेका र आटेका कार्यहरु अधुरा नै रहन सक्छन होस पुर्याउनु होला ।

मिथुन

का, कि, कु, घ, ङ, छ, के, को, ह

विपरीत लिङ्गीको पूर्ण साथ तथा सहयोगले गर्दा मन हर्षित रहने छ । मन स्थीर हुनाले आटे ताकेका कुराहरु प्राप्त गर्न धेरै हदसम्म सफल भइँने छ । स्थलब्यापारबाट प्रसस्त धन आर्जन हुने देखिन्छ । खानपिनको मामलामा मन ज्यादा मोहित हुने छ । शत्रुले यदाकदा परास्त पनि गर्न सक्नेछन् सावधान रहनु नै बेस हुनेछ ।

कर्क

हि, हु, हे, हो, डा, डि, डु, डे, डो

रोगब्याधले सताउने योग परेको छ । पानी तथा जल जन्य चीजहरुबाट सावधान रहनुहोला । स्वासप्रस्वास सँग संबन्धी बिमारिले च्याप्ने संभावना देखिन्छ । धन तथा समय ब्यर्थमा क्षय हुनेछ । मन अस्थीर तथा चञ्चल रहने छ तथा मनमा अनेक प्रकारका पीरहरु आइ पर्ने छन् । सोचेका तथा आँटेका कार्यहरुमा बाधा अड्चन आइ पर्न सक्छन् । नयाँ कार्यको सुरुवात नगरेकै उचित हुनेछ गर्नै परेमा भगवान् भोलेनाथको ॐ नमः शिवाय मन्त्रको जप पश्चाद् मात्रै कार्य आरम्भ गर्दा शुभ हुने देखिन्छ ।

सिंह

मा, मि, मु, मे, मो, टा, टि, टु, टे

धर्मकर्ममा मन जानाले इष्टदेवको कृपाप्रसादले सोचेका तथा गरिरहेका कार्यहरुहरु राम्रो सँग पूरा हुनेछन । ब्यापार, ब्यावसायबाट प्रसस्त धन-सम्पत्ती प्राप्त हुनेछन् । धार्मिक गुरुहरुको सहयोगबाट कार्यसम्पादनमा सहजता प्राप्त हुनेछ । सन्तान सुख प्राप्त हुनका साथै भाग्योदय तथा पदोन्नतिको समेत सम्भावना देखिन्छ । जप, तप तथा देवी देवताको उपासनामा विशेष सफलता प्राप्त हुनेछ । अध्ययन क्षेत्र अत्यन्त राम्रो रहेको छ । विपरीत लिङ्गिको साथ सहयोग प्राप्त हुनेछ ।

कन्या

टो, प, पि, पु, ष, ण, ठ, पे, पो

सरकारी क्षेत्रबाट विशेष लाभ मिल्नाले मन प्रसन्न रहला । आफुले थालेका तथा आँटेका कार्यहरुमा सफलता प्राप्त हुनेछ । इष्टमित्र तथा घरका अन्य मान्यजनहरुसँग मीठो तथा सौहार्दपूर्ण भेट हुनेछ । परोपकारमा पनि मन जानेछ । सेवकहरुद्वारा सेवाको अवसर पनि प्राप्त हुनेछ । भाईबन्धुहरुको साथ सहयोग र हौसलाले अड्किएका कार्यहरु पनि छिटो सम्पादन हुनेछन् भने ब्यापार-ब्यावसाय तथा शिक्षामा पनि उल्लेखनीय प्रगती हुनेछ ।

तुला

र, रि, रु, रे, रो, ता, ति, तु, ते

प्रेम जीवन सुखमय रहने छ साथै प्रेमी प्रेमीका सँग रमाइलो भेटघाट पनि हुने सम्भावना देखिन्छ । ब्यपार-ब्यावसायबाट प्रसस्त अर्थोपार्जन हुनेछ । जीवनसाथिको पर्याप्त सहयोग प्राप्त हुनेछ । शारीरिक तथा मानशिक सुख प्राप्त हुनेछ । दाजुभाई तथा कुलकुटुम्बहरु सँगको सम्बन्ध पनि सुमधुर रहने छ । शैक्षिक क्षेत्रमा पनि उल्लेखनीय उपलब्धी प्राप्त हुने योग रहेको छ ।

वृश्चिक

तो, ना, नि, नु, ने, नो, या, यि, यु

अनावश्यक भ्रमण हुनेछ । कार्यसम्पादनमा रोकावट पैदा हुनेछ । खर्चमा वृद्धि हुनाले मन खिन्न रहला । शरीरमा आलस पैदा हुनाले कार्यमा मन लाग्ने देखिदैन । नेत्ररोग तथा शत्रुभय बढ्नाले चित्त अशान्त रहने छ । पतिपत्निको सम्बन्धमा क्लेस उत्पन्न हुनेछ । कुटुम्बजनहरु सँगको सम्बन्ध पनि त्यत्ती राम्रो देखिँदैन । अनावश्यक क्रोध उत्पन्न हुनाले झैझगडा हुन सक्नेछ, सावधान नै बस्न बेस हुनेछ ।

धनु

ये, यो, भ, भि, भु, ध, फा, ढ, भे

आज धन सम्पत्तिको सुख मिल्ने छ । शारीरिक सुख प्राप्तले मन आनन्दित बनाउने छ । नयाँ कार्यहरुका लागि धन, बल र बुद्धि प्रयोग गर्न उत्तमसमय रहेको छ । मन चञ्चल रहनाले आँटेका कुराहरु ध्यान पूर्वक गर्नुपर्ने देखिन्छ l

मकर

भो, ज, जि, खि, खु, खे, खो, गा, गि

विपरीत लिङ्गीको साथ सहयोग प्राप्त हुनाले मन प्रसन्न रहला । धर्म, कर्म तथा दान पुण्यमा मन लाग्नाले देवता तथा पितृआशीर्वाद प्राप्त हुनेछ । बोलीमा मिठास आउलाने आफन्तजन तथा इष्टमित्रहरुसँग राम्रो सम्बन्ध रहने छ । धन सम्पत्ती प्राप्त हुने योग परेको छ । मन अस्थिर रहनाले थालेका कामहरु अधुरै रहन पनि सक्छन् केही विचार पुर्याएर कार्यगर्नुपर्ने दिन रहेको छ ।

कुम्भ

गु, गे, गो, सा, सि, सु, से, सो, द

काव्य शास्त्र इत्यादि पठनपाठनमा मन जानेछ । बोल्दा विशेष बिचार पर्याउनु पर्नेछ । आफ्नै पराक्रमले अर्थोपार्जन भएर मन फुरुङ्ङ हुने छ । भाइबन्धु को सहायताले कार्यसम्पादन गरेको राम्रो हुनेछ । आफ्नो कार्य प्रती मन एकाग्र भएर लाग्ने छ । आँटेका कार्यहरु सहज रुपले सफल हुने देखिन्छन । धर्मकर्ममा मन जानेछ भने छोटो दुरीको रमाईलो यात्रा हुने देखिन्छ ।

मीन

दि, दु, थ, झ, ञ, दे, दो, च, चि

धन सम्पत्ती प्राप्त गर्ने योग परेको छ । मिष्ठान्न भोजनको अवसर प्राप्त हुनाले मन प्रसन्न रहने छ । तपाईप्रती विपरीत लिङ्गी मित्रहरुको सोच सकारात्मक रहने छ । सवारी-साधन, घर, जग्गा इत्यादिको सुख मिल्नुको साथै यी क्षेत्र सँग संबन्धी ब्यापार-ब्यावसायहरुबाट प्रसस्त लाभ हुने छ । भौतिक सुखसुविधाको लाभ मिले पनि स्वास्थ्यमा भने समस्या देखिने छ ।