वाणगंगा । नेपाल औषधी व्यावसायी संघ कपिलवस्तुको अध्यक्षमा मानुल्लाह खान चयन भएका छन् ।

संघको तेश्रो साधारण सभा तथा दोश्रो अधिवेशनले तौलिहवा निवासी खानको नेतृत्वमा कार्यसमिति चयन गरेको हो । खान यसअघि सल्लाहा कार सदस्य थिए ।

खानलाई सर्वसम्म चयन गरिएको भनिए पनि निवर्तमान उपाध्यक्ष वीक्रम थापाले असहमति जनाएका छन् । अध्यक्ष बन्ने पालो आफ्नो भए तापनि विधान मिचेर सल्लाहाकारलाई अध्यक्ष बनाएको भन्दै विरोध र तीव्र असन्तुष्टि जनाएका हुन् ।

अधिवेशनले अन्य पदमा भने सर्वसम्मत पदाधिकारी चयन गरेको छ । समितिको उपाध्यक्षमा गोपाल प्रसाद खनाल, महासचिव बेदुराम पोख्रेल, सचिवमा महेश रानाभाट, कोषाध्यक्षमा मतिराज घिमिरे, सह–कोषाध्यक्षमा रामगोपाल गोयल र सदस्यहरुमा सुशील भट्टराई, मनोज कुमार केसी, डा विक्रम घिमिरे, गोपाल बन्जाडे चयन भएका छन् ।उनीहरुलाई संस्थाका निवर्तमान केन्द्रीय अध्यक्ष बाबुराम भट्टराईले पद तथा गोपनीयताको सपथ खुवाएका थिए । नवनिर्वाचित अध्यक्ष खानले आफ्नो कार्यकालमा संस्थाको भवन बनाउने उद्घोष गरेका छन् ।