काठमाडौँ । समाजबादी प्रेस सङगठनको पहिलो राष्ट्रिय महाधिवेशनमा भएको चुनावको मत पत्रमा ‘नो भोट’ भेटिएको छ

पदाधिकारी चयनको लागि भएको चुनावमा अध्यक्ष बाहेकका उम्मेदवारको लागि ‘कसैलाई पनि भोट हाल्दिनँ’ भन्ने लेखिएको मत पत्र भेटिएको हो ।

सुरुवाती ५० को गड्डीमा यस्तो लेखिएको मत पत्रमा अध्यक्षको उम्मेदवारमा भने चिन्ह लगाइएको थियो । त्यस्तो मत पत्र भेटिँदा सबै गलल हाँसेका थिए । सर्वसम्मत गराउन प्रयास विफल भएपछि चुनाव भएको थियो ।

चुनावमा अध्यक्षमा भुपराज खड्का र विश्वमणी सुवेदी छन् भने महासचिवमा राम कुमार एलन र हृदय भुसाल छन् । यस्तै खुला तथा महिला उपाध्यक्ष, सचिव, कोषाध्यक्ष लगायतका पदमा चुनाव भएको छ । सुरुवाती गणनामा अध्यक्षमा सुवेदी र महासचिवमा एलनले अग्रता हासिल गरेका छन् । ३ सय बढी मतदाता रहेकोमा २८४ जनाको मत खसेको निर्वाचन मण्डलले जनाएको छ ।