काठमाडौं । सहकारी अभियन्ता डा.शान्तराज शर्मालाई ‘राष्ट्रिय सहकारी पुरस्कार २०७९’ बाट सम्मान गरिएको छ । नेपालमा सहकारीको स्थापना र विकास हुने क्रममा महत्वपूर्ण भूमिका निर्वाहा गरेको भन्दै राष्ट्रिय सहकारी महासंघले डा. शर्मालाई ५० हजार राशीको पुरस्कारले सम्मान गरेको हो ।

१०१औं अन्तर्राष्ट्रिय सहकारी दिवसका अवसरमा प्रतिनिधि सभाका सभामुख देवराज घिमिरेको प्रमुख आतिथ्यमा शनिबार ललितपुरमा विशेष कार्यक्रममार्फत् पुरस्कार प्रदान गरिएको थियो । नेपालको सहकारीको विकास गर्न र अन्र्तराष्ट्रिय जगतसम्म पुर्याउन शर्माको विशेष योगदान रहेको भन्दै पुरस्कार प्रदान गरिएको महासंघका अध्यक्ष मिनराज कडेलले बताए ।

१९८९ मा क्यनाडाबाट सहकारी र योजनाबद्ध बिकास मा पोस्ट ग्राजुअट डिप्लोमा र २००६ मा अर्थशाष्त्र विषयमा विद्याबारिधी गरेका शर्माले नेपालको सहकारी आन्दोलन, भारतको अमुल डेरी सहकारी आन्दोलन, श्रीलंकाको बचत क्रण सहकारी आन्दोलन (सनासा) को अध्ययन गरेका छन् । तिनै अध्ययनको जगमा नेपालमा सहकारीको विकास भएको मानिन्छ । अध्यक्ष कँडेलले सम्मान समारोहमा अभियान्ता शर्माको विशेष योगदानको प्रसंसा गरेका थिए ।

आफूलाई सम्मान गरेकोमा महासंघलाई धन्यबाद दिँदै डाक्टर शर्माले आगामी दिनमा पनि आफ्नो योग्यतामार्फत् सहकारी आन्दोलनमा देन दिने बताए ।

हिजोको तुलनामा अहिले सकारीमा विकृति फैलिएको भन्दै यसलाई रोक्न महासंघले विशेष कदम चाल्नु पर्ने उनले अपि टाइम्सलाई बताए । शर्मा काम विशेषले अहिले क्यानाडामा छन् । पुर्खयौली घर बाग्लुङ रहेका शर्मा हाल जन जीवराज सुशिला हाई स्कुल र निसी भुजी जनाता क्याम्पस बुर्तिबाङ बाग्लुङका अध्यक्ष छन् ।