काठमाडौँ । रुपन्देहीको बुटवल ८ सुख्खानगरमा रहेको एभरेष्ट इङलिस बोर्डिङ माध्यमिक विद्यालयले ०७९ सालको एसईई परीक्षाको नतिजामा फेरि पनि अब्बलता हासिल गरेको छ ।

हरेक बर्ष उत्कृष्ट नतिजा हासिल गरी मुलुककै उत्कृष्ट स्कुल बन्न सफल विद्यालयबाट १५३ जना विद्यार्थीहरु एसईईमा सहभागि भएका थिए । जसमा ३ दशमलव २५ जिपिए भन्दा धेरै अंक ल्याउने ४० जना, २ दशमलव ८५ देखि माथि जिपिए ल्याउने ५९ जना, २ दशमलव ४५ देखि माथि जिपिए ल्याउने ३१ जना र २ दशमलव ३५ देखि माथी जिपिए ल्याउने ४ जना रहेको प्राचार्य कृष्ण न्यौपानेले बताए ।

यीमध्ये छात्रहरु प्रकट गिरी र उत्सव वि.क.ले ३ दशमलव ९० जिपिए ल्याएका छन् भने १९ जनाले ३ दशमलव ५६ देखि माथी जिपिए ल्याएको प्राचार्य न्यौपानेको भनाई छ । उपप्राचार्य उमेश रेग्मीले अहिलेको नतिजा पनि राम्रो रहेको बताए । गुणस्तरीय शिक्षा प्रदानसंगै एभरेष्ट अतिरिक्त क्रियाकलापमा पनि त्यस क्षेत्रमा अगाडी छ ।