एजेन्सी । श्रीलङ्काको संसद्ले बुधवार विना मतदान भ्रष्टाचार विरोधी विधेयक पारित गरेको छ । संसद्को सञ्चार एकाइका अनुसार यो विधेयक संशोधनसहित पारित भएको हो । यसअघि यो विधेयक संविधानसम्मत छ कि छैन भनेर सर्वोच्च अदालतमा पठाइएको थियो ।

अदालतले विधेयकको मस्यौदामा संविधानसँग बाझिएका केही दफा रहेको र त्यसलाई संशोधन गरिएको जानकारी सभामुखलाई गराएको थियो ।

श्रीलङ्काले अन्तर्राष्ट्रिय मुद्रा कोष ९आईएमएफ० सँग आफ्नो देशको शासन प्रणालीमा सुधार ल्याउन र भ्रष्टाचारविरुद्धको संयुक्त राष्ट्रसङ्घीय महासन्धिअनुसार भ्रष्टाचार विरोधी नियमहरू ल्याउन गरेको सम्झौतासँग यो कानुन जोडिएको छ ।