काठमाडौं । कृषि तथा पशुपन्छी विकास मन्त्री डा. बेदुराम भुसालले गाईभैसीमा लाग्ने लम्फी स्कीन रोग नियन्त्रणको प्रयास थालेका छन् ।
देशका विभिन्न जिल्लाका गाईभैसीमा यो रोगको संक्रमण देखिएको छ । रोगको संक्रमणले गाईभैसीलाई प्रभावित पारिरहेका बेला मन्त्री भुसालले विहीबार पशु सेवा विभागमा पुगेर रोग नियन्त्रणको प्रगतिबारे जानकारी लिँदै रोग नियन्त्रणका लागि चाहिने आवश्यक औषधि उपचार र भ्याक्सिनको उपलब्धताबारे जानकारी माग गरेका थिए ।

मन्त्री भुसाललाई विभागका महानिर्देशक डा सम्झना कुमारी काफ्ले सोबारे जानकारी दिएका थिए ।
छलफलमा मन्त्री भुसालले रोग नियन्त्रणका लागि कुनै कसर बाँकी नराख्न निर्देशन दिए । साथै रोग प्रभावित क्षेत्रमा पुगेर प्रत्यक्ष अनुगमन गर्न समेत उनले पशु सेवा विभाग मातहतका निकायलाई निर्देशन दिएका छन् ।

भ्याक्सिन खरिद प्रक्रिया अगाडि बढाई रोग नियन्त्रणको कामलाई अघि बढाउन मन्त्री भुसालले निर्देशन दिए ।
मन्त्रीसंगको छलफलमा विभागकी महानिर्देशक काफ्ले विभागबाट भ्याक्सिन खरिद प्रक्रिया अगाडी बढाएको जानकारी दिए । अबका केही दिनमा प्रभावित स्थानमा भ्याक्सिन पुग्ने उनले विश्वास व्यक्त गरे ।

‘सप्लायर्स मार्फत आवश्यक भ्याक्सिङ खरिद प्रक्रिया अगाडी बढेको छ । तत्काल रोक नियन्त्रणको प्रयास थाल्छौं’ काफ्लेले मन्त्री भुसालसंग भने । ।
बुधबार मात्र मन्त्री भुसालले लम्फी स्किन रोगबारे पशु सेवा विभागलाई प्रभावित स्थानमा भुर्चुअल बैठक गर्न र प्रभावित स्थानमा पुगेर रोग निधानको प्रयास थाल्न निर्देशन दिएका थिए