काठमाडौँ । रोटरी क्लव अफ बुर्तिवाङ ढोरपाटनको अध्यक्षमा बैङ्कर तथा समाजसेवी प्रेम पौडेल चयन भएका छन् । क्लवको वाग्लुङको बुर्तिवाङमा विहिबार सम्पन्न पाँचौ पद हस्तान्तरण कार्यक्रमबाट पौडेल अध्यक्षमा चयन भएका हुन् ।

उनलाई निवर्तमान अध्यक्ष ढालेन्द्र छन्त्यालले माइन्युट र पिन हस्तान्तरण गरी पदभार सुम्पेका थिए अध्यक्ष पौडेललाई संस्थापक अध्यक्ष शान्तराज शर्मा लगायतले सफल कार्यकालको शुभकामना ब्यक्त गरेका थिए । पदभार ग्रहण गर्दै अध्यक्ष पौडेलले क्लवमा सदस्य संख्या थप्ने लगायतका बिभिन्न सामाजिक र मानवीय काम गर्ने बताए ।

निवर्तमान अध्यक्ष छन्त्यालले आफूलाई सहयोग गर्ने सबैलाई धन्यबाद दिँदै मायाको चिनो प्रदान गरेका थिए । क्लवले बुर्तिवाङमा रहेर बिभिन्न सामाजिक र मानवीय कार्य गर्दै आइरहेको छ । कार्यक्रममा संस्थापक शर्मा, पूर्वअध्यक्ष तुलसीराम अर्याल लगायतको सहभागिता थियो ।