काठमाडौँ । नेकपा एमालेको बुटवलमा जारी लुम्बिनी प्रदेश अधिवेशनमा नयाँ नेतृत्वका लागि अन्ततस् चुनाव हुने भएको छ।

यससँगै अध्यक्ष केपी शर्मा ओलीले सर्वसम्मतबाटै नेतृत्व चयन गर्न दिएको निर्देशन अलपत्र परेको छ।

दुईवटा प्यानल बनाएर नेताहरु चुनावी मैदानमा उत्रिएका छन। सर्वसम्मत हुन नसकेपछि सोमबार रातिदेखि मतदान हुने भएको छ।

अहिले साँझ ६ बजे उम्मेदवारको अन्तिम नामावली प्रकाशन गरिँदैछ। त्यसपछि राति ८ बजेदेखि मतदान सुरू गरिने निर्वाचन आयोगका प्रमुख हरि भण्डारीले बताए।

प्रदेश अध्यक्षमा हरि रिजाल र राधाकृष्ण कँडेल चुनावी मैदानमा छन्। उनीहरूबीच सहमति हुन नसकेपछि चुनावबाट नयाँ नेतृत्व तय गर्न लागिएको हो।

प्युठानका रिजाललाई महासचिव शंकर पोखरेल र पाल्पाका कँडेललाई उपाध्यक्ष विष्णु पौडेलको समर्थन छ।