काठमाडौं । राष्ट्रिय स्वतन्त्र पार्टी ९रास्वपा०का सभापति रवि लामिछाने एसिया कप क्रिकेटमा नेपाली खेलाडीलाई हौसला बढाउन श्रीलंकामा पुगेका छन् । एसिया कप क्रिकेटको समूह चरणको दोस्रो खेलमा भारतविरुद्ध नेपाल उत्रदै गर्दा समर्थकको रुपमा रास्वपाका अध्यक्ष लामिछाने मैदान पुगेर खेलाडीलाई हौसला बढाएका हुन् ।

नेपाली खेल क्षेत्र र खेलाडीलाई प्रोत्साहन गर्ने सवालमा नेपालका राजनीतिक दल र तिनका शीर्ष नेता अनुदार छन् । सोही शिलशिलामा संसदको चौथो ठुलो राष्ट्रिय दल रास्वपाका अध्यक्ष श्रीलंका पुगेर खेलाडीलाई हौसला बढाएका छन् ।

उनले सोमबार बिहान खेलाडीलाई सामुहिक रुपमा भेटर भारतविरुद्ध राम्रो प्रर्दशनका लागि शुभकामना दिएका थिए । खेल दौरानको समय उनी मैदानमै पुगेर खेलाडीको प्रर्दशनमा हौसला प्रदान गरिरहेका देखिन्थे ।

सिमित स्रोत साधन र लगानीका बाबजुत नेपालको क्रिकेटको एसिया कप खेलिरहेको छ । नेपालले विश्व क्रिकेटका महारथी टिम भारत, पाकिस्तानविरुद्ध शानदार प्रर्दशन गरेको छ । विश्व क्रिकेटमा उदाउँदै गरेको नेपाली टिमको प्रर्दशनलाई विश्वभरबाट प्रशंसा भैरहेको छ ।

पछिल्लो समय नेपालको राजनीतिमा वैकल्पिक शक्तिको रुपमा उदाएको नयाँ पाटी रास्वपा खेलकुद र खेलाडीको सवालमा संवेदनशील देखिएको छ । प्रतिपक्ष दलको रुपमा रहेको रास्वपाका सांसदले खेलाडीको सवालमा संसदमा समय–समयमा आवाज उठाउने गरेका छन् ।