काठमाडौं । गोकर्णेश्वर नगरपालिकाको प्रमुख प्रशासकीय अधिकृतको रुपमा नेपाल सरकारका उपसचिव टेकराज पन्थीलाई शुक्रबार नगरपालिकाले भव्य स्वागत गरेको छ । उहाँलाई नगरपालिकाका प्रमुख दीपक रिसाल र उपप्रमुख सान्नानी लामाले स्वागत गरे । यस अगाडि रुपन्देहीको बुटवल उप–महानगरपालिकामा प्रमुख प्रशासकीय अधिकृतको रुपमा कार्यरहत थिए । स्थानीय तहको अब्बल र अनुभवी प्रकाशकको रुपमा पन्थीलाई चिनिने गरिएको छ ।

निवर्तमान नगरपालिका प्रमुख प्रकासकीय अधिकृत बैकुण्ठप्रसाद सापकोटा भने करिब २२ महिनासम्म नगरपालिकामा सेवा गरी संघीय मामिला तथा सामान्य प्रशासन मन्त्रालयमा सरुवा भएको छ । नगरपालिकाले पन्थीलाई स्वागत गरेको छ भने सापकोटालाई फेरी भेटौला भनी बिदाइ गरिएको छ ।

स्वागत तथा फेरी भेटौला कार्यक्रममा नगर प्रमुख दीपक रिसालले प्रमुख प्रशासकीय अधिकृतले शालिनताका साथ संभव भएसम्मका सेवाग्राहीका काम सहज रुपमा गर्न नवनियुक्त प्रमुख प्रकासकीय अधिकृतलाई आग्रह गरे ।

नगरपालिकामा सभ्य र शालिन व्यक्ति बस्ने भन्दै शालिन भएर सेवा प्रवाह गर्न उनले प्रमुख प्रकासकीय अधिकृतलाई अनुरोध गरे ।

रिसालले बाँकी चार वर्षमा यतिकै रुपमा नगरपालिकाले विकास निर्माणको काम गर्न सकियो भने गोकर्णेश्वर नगपालिकालाई नमूना नगरपालिकाको रुपमा बनाउन सकिने स्पष्ट पार्नुभयो । नगर सभा र कार्यपालिकाले गरेका निर्णयलाई कार्यान्वयन गर्ने काममा नवनियुक्त प्रमुख प्रकासकीय अधिकृतबाट थप सहजता हुने उहाँले विश्वास व्यक्त गरे ।

बिदाइ हुँदै निवर्तमान प्रमुख प्रकासकीय अधिकृत सापकोटाले अझै पनि सरकारले जनप्रतिधिको क्षमता वृद्धि गर्न नसकेको भन्दै उहाँले सरकारले अब पहिलो प्राथमिकता राखेर स्थानीय तहका जनप्रतिनिधिको क्षमता विकास गर्नुपर्नेमा जोड दिय । सबै कर्मचारीले आफ्नो जिम्मेवारी पूरा गर्ने हो भने नगरपालिकाको समग्र विकास र सुशासन कायम गर्न सहज हुने भन्दै उहाँले कर्मचारीले पूर्णरुपमा सेवाको भावले काम गर्नुपर्नेमा बताय । सापकोटाले नगरपालिकामा बसेर काम गर्ने क्रममा कुनै कमीकजोर भए वा कर्मचारीलाई कडा शब्द प्रयोग गरेको भए पनि त्यसलाई बिर्सनसमेत सबै कर्मचारीलाई आग्रह गरे ।

नगरपालिकाका जनप्रतिनिधि पूर्णरुपमा सहयोगी भएको भन्दै सबै जनप्रनिधिलाई धन्यवाद प्रदान गर्नुभयो । गोकर्णेवरको कार्यपालिकामा सबै प्रशासकिन निर्णय हुने गरेको भन्दै यसले सुशासन कायम गर्न थप सहज भएको उहाँले स्पष्ट गरे ।

नव नियुक्त प्रमुख प्रशाकीय अधिकृत पन्थीले सुशासन र सेवा प्रवाह गर्ने क्रममा आफनो क्षमताले भ्याएसम्म कुनै कमीकजोरी नराखिने बताय । उनले पीत पत्रकारीता नगरी स्वास्थ्थ प्रत्रकारित गर्न सबै पत्रकारलाई आग्रह गरे । कर्मचारीले सधै उच्च मनोबल बनाएर काम गर्नुपर्ने भन्दै उहाँले कर्मचारी र जनप्रतिधिले कार्यालयमा बसेर सेवा प्रवाह गर्दा आफनो परिचय पत्र लगाउन आग्रह गरे। सेवाग्राहीका हरेक काममा ऐन नियम र कानुनले दिएसम्म कुनै कसर बाँकी नराखी काम गर्ने उहाँले स्पष्ट पारे ।

पन्थीसँग यस अगाडि संघीय मामिला तथा सामान्य प्रशासन मन्त्रालयको प्रशासन शाखामा बसेर काम गरेको अनुभव छ ।