कपिलवस्तु । कपिलवस्तुको वाणगंगा नगरपालिकामा मत्स्य अनुसन्धान केन्द्र निर्माणको पहल भएको छ ।

यसको लागि कृषि तथा पशुपन्छी विकास मन्त्री डा. बेदुराम भुसाललले शनिबार वाणगंगाका २ स्थान अवलोकन गरेका छन् । नगरपालिकाका दुई स्थान धनेशपुर र बबनीमा अवलोकन गरिएको मन्त्रीको सचिवालयले जनाएको छ । स्थानबारे नगर प्रमुख चक्रपाणी अर्यालले जानकारी गराएका थिए ।

‘केन्द्र बन्ने या नबन्ने ठोस निर्णय भने भएको छैन । मन्त्रीको पहल भने वाणगंगामै राख्ने छ, यद्यपि यसबारे ठोस निष्कर्ष भने भएको छैन’ सचिवालय भन्छ । मन्त्री भुसालले त्यस क्रममा निर्माणाधिन कृषि उपज संकलन केन्द्रको समेत अवलोकन गरका छन् ।