कपिलवस्तु । सार्वजनिक (विद्यालयको जग्गा) मा अतिक्रमण र दुरुपयोगपन बढ्दा पनि बाणगंगा नगरपालिका मौन रहेको पाइएको छ । यो विषयमा उजुरी परेपछि अख्यितार दुरुपयोग अनुसन्धान आयोगले पत्र नै काटेको छ । त्यसपछि यो विषय बाहिर आएको हो । कहाँसम्म भने विद्यालयको जग्गामा भूमाफियाहरुले घडेरी बनाउने, बाटो निकाल्ने र विक्रिसम्म गर्न थालेका छन् ।

यस्तो कार्यमा कतिपय जनप्रतिनिधि सम्मिलत देखिन्छन् भने यो अवस्थाबारे थाहा हुँदा हुँदै पनि नगरपालिकाको जनप्रतिनिधि टोली मौन देखिएका छन् । वडा नं ७ मोतिपुर क्षेत्रमा रहेको कित्ता नं ५०२ उल्लेखित गुल्मीको एक विद्यालयको नाममा रहेको जग्गामा अक्रिक्रमण बढेको र त्यसमा भूमाफियाले रजाँई गरेको देखिन्छ ।

श्री आत्मबोध मावि मानकोट गुल्मीको नाममा उल्लेखित जग्गाबाट स्थानिय जग्गा व्यापारीहरुले व्यापार गर्न मनपरि बाटो निकालेर प्लटिङ् गरि घडेरी विक्रि गरेकोसमेत पाईएको हो ।

यसरी विद्यालयको जग्गामा मनपरि गरेपछी अख्तियार दुरुपयोग अनुसन्धान आयोगको कार्यालय बुटवलमा उजुरी समेत परेको पाईएको हो । अख्तियार दुरुपयोग अनुसन्धान आयोगले बाणगंगा नगरपालिकालाई पत्राचार गर्दै जग्गामा हाल विद्यालय वाहेक अन्य कुनै व्याक्ति संघ संस्था ले उपयोग गरेका छन् छैनन् । फिल्ड स्केच सहित विवरण खुलाई प्राविधिक स्थलगत प्रतिवेदन सहित राय प्रतिक्रिया उपलब्ध गराउन माग गरेको छ ।

मोतिपुर बनगाई सड्क खण्डको मध्येभाग मित्रपथ बाट करिव ३ सय मिटर पश्चिममा सड्क किनार हुदै उक्त जग्गा डेढ विगाह बढी रहेको जनाईएको छ ।
सो जग्गाको पछाडी विभिन्न किसानहरुसँग स्थानिय जग्गा व्यापारी सिद्ध अधिकारी लगाएका व्याक्तिले जग्गा खरिद गरि विद्यालयसँग सहकार्य नै नगरि मनपरि बाटो खोलेर प्लटिङ्ख गरेको स्थानीय एक व्यक्तिले नाम नबताउने शर्तमा बताए ।
यता आत्मबोध विद्यालयका प्रधानाध्यापक विष्णु प्रसाद ज्ञवालीले विद्यालयको जग्गा सो ठाउँमा रहेको र बाटो खोलेको विषयमा आफुहरुलाई कुनै जानकारी नरहेको बताए । उनले केही समय पछी यस क्षेत्रका जनप्रतिनिधिहरु र विद्यालय व्यवस्थापन समिति शिक्षकहरु लगाएतको टोली आउने समेत बताए ।

यता जग्गा व्यापारी सिद्ध अधिकारीले २०२८ सालदेखि सो जग्गामा बासोबास गर्दै आएकी राधिका थारुले बाटो निकालेको र बाँकी पछाडी आफुहरुले बाटो निकालेको बताए ।

त्यहाँ बसोबास गरेको भनिएकी थारुलाई अधिकारी लगाएतको टोलीले सो जग्गा विद्यालयको भएको र विद्यालयको जग्गामा तिमिलाई भोली अप्ठ्यारो पर्न सक्छ जग्गामा आफुहरुलाई बाटो दिए सो जग्गाको साटो उनको नाममा १ कठ्ठा जग्गा आफुहरुले दिने भनेपछी प्रलोभनमा परेर बाटो लिएको अधिकारी निकटका एक व्याक्तीले बताए ।

यसरी विद्यालयको नाममा रहेको जग्गाको ठुलो भुभागमा खानेपानी का लागि बोरिङ्ख गडान गरि कम्पाउण्ड समेत गरिएको छ । सो विषयमा समेत विद्यालयलाई जानकारी छैन् । बाणगंगाका उत्तरी क्षेत्रमा रहेका अधिकांश विद्यालयहरु समेत आत्मबोध विद्यालयकै नामको जग्गामा रहेको समेत पाईएको हो ।