वाणगंगा । लामो समयदेखि वाणगंगा नगरपालिकामा एक ब्यक्ति अलपत्र अवस्थामा देखिन्छन् । केशव पाण्डे नाम बताउने उनी लामो समयदेखि अलपत्र अवस्थामा छन् । झट्ट हेर्दा मानसकि सन्तुलन गुमाएको जस्तो देखिने पाण्डे कुराकानीको क्रममा भने राम्रै कुराकानी गर्दछन् । पाण्डे लामो समय भयो वाणगंगामा ओहरदोहर गरेको ।

उनलाई धेरैले चिन्दैनन् पनि । यिनै वृद्ध आइतबार वाणगंगाको सिद्धिपुरमा सिद्धार्थ क्याम्पसका प्राध्यापक राज कुमार अर्यालको घरमा पुगेका थिए । मलाई भोक लाग्यो,केही खानेकुरा भए देउ न भन्दै घरको मूल ढोकामा आएका पाण्डेलाई प्राध्यापक अर्यालले त्यसै फर्काएनन् । अर्यालले हिन्दीमा पाण्डेसंग छोटकरीमा केहि कुराकानी गरेर फर्काएका छन् । कुराकानीको क्रममा ती वृद्धले आफूले ३ वटा राजाको शाषन काल विताएको बताएका छन् ।

कुराकानीमा केके छन् ? अर्यालको फेसबुकबाट साभार ”मलाई भोक लाग्यो,केही खानेकुरा भए देउ नू भन्दै यी वृद्ध आज मेरो घर अगाडि दैलोमा आए । मेरो कान्छो छोरोले खाना लगेर दियो । वृद्धले खाना खाए । ूकस्तो राम्रो केटो रहेछ । तिम्रो घर राम्रो होसू भन्दै आशिष दिए । नाम केशव पाण्डे रहेछ,घर दोहनी,कपिलवस्तु वताउने यिनको कोहि रहेनछ,दाईको छोराहरु रहेछन् तर यिनलाई खोजविन गर्दारहेनछन्,यिनी माहिला रहेछन्,३ भाइ मध्येयिनको कान्छो भाइ पनि वितिसकेका रहेछन्, जेठो दाइ पनि वितेका,यिनी अविवाहित रहेछन् । यिनी कहिले, पिपरा,कहिले,बुङ्चि त कहिले बनगाईको प्रतिक्षालयमा रात विताउँछन् महाकाली पेट्रोल पम्पको तेल हाल्ने मेशिनको शेडको बेन्चमा सुतेकोबेला उठाएर २ र ३ पटक रोटि तरकारी लगेर खान दिएको छु। उमेर कति भयो भन्दा तिनवटा राजाको शासनकाल विताएँ । जग्गा जमिन मुद्दा मामिला गर्दै हारेर अहिले केही पनि नभएको भन्छन् । कसैले दया गरेर दिए खाने गरेको,कहिले मन्दिर,कुटिमा घुम्दै फिर्दै जीवन विताउने गरेको बताए । खाना खाए पछि यिनिसँग केहिवेर कुराकानी गरे । विरपुर,पत्थरकोट,भेलाई,बनगाईका पुराना व्यक्तिहरुलाई चिनेको बताउने यी वृद्धलाई वृद्धाश्रममा बस्न जानुहुन्छ ? भन्दा जान्न भने । यस्ता वृद्ध अवस्थामा पुगेका व्यक्तिलाई घरवास पनि नदिने यिनका भतिजहरुमा मानवता रहेनछ । राज्यले यस्ता असहाय बृद्धहरुलाई गाँस,बास र कपासको व्यवस्थापन गरे कति आशिस दिन्थे होला ।”