सिन्धुली । दक्षिण कोरियाका कृषि खाद्य र ग्रामीण मामिला मन्त्री ज्योङ ह्वाङ–गेउन नेपाल आउने भएका छन् । कात्तिक १५ गते उनी नेपाल आउन लागेको निजी अन्तर्राष्ट्रिय विकास संस्था हेफर कोरियाका निर्देशक हे वन लीले जानकारी गराएकी हुन् ।

कोरियन सरकारले नेपाललाई दिएको होलिस्टिन जातको गाई र साँढेको बारेमा जानकारी लिनका लागि उनी नेपाल आउन लागेको उनको भनाई । गत पुसमा दक्षिण कोरियाले नेपालाई हेफरमार्फत ८० वटा गाई र २१ वटा साँढे दिएको थियो ।

कृषि तथा पशुपन्छी विकास मन्त्रालयको उपस्थितिमा हेफर नेपालले ८० वटा गाई सिन्धुलीको कमलामाई नगरपालिकाका विभिन्न ५१ जना किसानलाई वितरण गरेको छ । ती गाईहरुको अवस्था कस्तो छ त्यसको बारेमा जानकारी लिनका लागि मन्त्री आउन लागेको निर्देशक लीले बताइन् । किसानहरूको समूह बनाएर हेफर नेपालले गाई पालनसम्बन्धी तालिम पनि दिएको थियो । तालिमपछि उनीहरूलाई सो गाई वितरण गरिएको छ ।

समूहमा १०९ जना किसान छन् । सुरुको लटमा ५१ जनाले सो गाई पाएका छन् । बाँकी किसानलाई त्यही ५१ जनाले पाएको गाईबाट जन्मिने बाछी वितरण गर्ने निर्देशक लीले बताइन् । हरेक किसानले अर्को किसानलाई उपहार स्वरूप एउटा बाछी दिनुपर्ने प्रावधान रहेको छ ।

कोरियाबाट पनि यी गाई उपहार स्वरूप नै आएका हुन् । कोरियाका किसान, विद्यार्थी तथा विभिन्न संघ संस्थाले नेपाललाई उपहार स्वरूप पठाएको हुनाले यहाँका किसानले पनि अर्को किसानलाई एउटा उपहार स्वरूप दिनुपर्ने उनले बताइन् ।

गाई प्राप्त गरेका किसानले आनुवंशिक स्रोतबाट पहिलो बाछीसँगै प्राप्त गरेको सीप र ज्ञानलाई अर्को किसानलाई हस्तान्तरण ९हेफरको पासिङ अन द गिफ्ट बिजनेस मोडेल० गर्नेछन् । एउटा गाईले एक दिनमा ३२ लिटर दुध दिन्छ ।

नेपाल आएका गाई कुन अवस्थामा कसरी राखिएको छ त्यसको बारेमा मन्त्री गेउनले अवलोकन गर्नुको साथै प्रधानमन्त्री पुष्पकमल दाहाल ‘प्रचण्ड’, कृषि मन्त्री डा।बेदुराम भुसाल लगायतसँग भेटघाट गर्ने कार्यक्रम रहेको उनले बताइन् । कोरिया सरकारले नेपाललाई गरेको सहयोगलाई निरन्तरता दिने र थप सहयोग कसरी गर्ने त्यस विषयमा छलफल हुने उनले बताइन् ।

सन् १९७० को दशकसम्म कोरियाली युद्धपछि भग्नावशेषमा परेको कोरियाले अन्तर्राष्ट्रिय समुदाय र हेफरको सहयोगबाट पशुपालनको क्षेत्रका ठुलो फड्को मारेको छ । सन् १९६९ मा जर्मनीबाट ऋण लिएर गाईहरू ल्याएर सुरु गरेको

पशुपालनले गर्दा आज डेरीमा कोरिया तेस्रो स्थानमा छ । कोरियाले नेपाललाई उपहार स्वरूप यो गाई उपलब्ध गराउनुको एउटै कारण हो, नेपालमा दुध उत्पादनमा बृद्धि ।